MARKOS 9:3 - Khasi CL Bible (BSI)

³ bad ki jaiñ jong u ki la kylla phyrnai lieh — kham lieh ban ïa kaba uno uno ha ka pyrthei u lah ban sait ïa ki.

KA BAIBL

³ ki jaiñ jong u te ki la long kiba tyngshaiñ, kiba lieh eh, kat kata ruh ym don u nongpynkhuid jaiñ ha ka pyrthei uba lah ban pynlieh.

MARKOS 9:3 ပူးပေါင်းရင်းမြစ်များ

SALM 51:7

Weng noh ïa ka pop jong nga, bad ngan long khuid; sait ïa nga, bad ngan kham lieh ïa ka ïor.

SALM 68:14

Haba U Blei Badonbor Baroh u pynsakma ïa ki syiem halor u lum Salmon, u pynlong ïa ka ïor ban hap hangta.

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

DANIEL 7:9

Mynba nga dang khmih, la buh ïa ki khet ha la ki jaka. Uta uba la im junom u la shong halor kawei na ki khet. Ki jaiñ jong u ki la long kiba lieh kum ka ïor, bad u shñiuh jong u, u long kum u 'saiwul nylla. Ïa ka khet jong u, la buh halor ki shalyntem ding, kaba la klang da ka ding,

MATHAÏOS 28:3

Ka durkhmat jong u ka la long kum ka leilieh, bad ki jaiñ jong u ki lieh kum ka ïor.

MARKOS 9:4

Nangta, ki lai ngut ki synran ki la ïohi ïa u Elijah bad ïa u Moses ba ki ïakren bad U Jisu.

LOUKAS 9:29

Katba u dang duwai, ka durkhmat jong u ka la kylla dur, bad ki jaiñ jong u ki la kylla lieh phyrnai.

KI KAM 10:30

U Kornelios u la ong, “Ka la long kumba ha kane ka por lai sngi mynshuwa ba nga dang duwai ha ka ïing jong nga ha ka por lai baje nohphai sngi. Kynsan u briew uba riam ha ki jaiñ kiba phyrnai u la ïeng ha khmat jong nga, bad u la ong:

JINGPYNPAW 19:18

Ale bad bam ïa ka doh jong ki syiem, ki nongïalam shipai, bad jong ki shipai, ka doh jong ki kulai bad ki nongshong jong ki, ka doh jong ki briew baroh, ki mraw bad kiba laitluid, kiba rit bad kiba khraw!”

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.

JINGPYNPAW 7:9

Hadien kane nga la khmih, bad la don u paidbah byllien — ym don mano mano ba lah ban ñiew ïa kita ki briew baroh! Ki la long na man ki kynja bynriew, ki jaitbynriew, ki hima, bad ki jait ktien, bad ki la ïeng ha khmat ka khet bad ha khmat uta U Khunlangbrot, kiba la riam ha ki jaiñ balieh bad ki bat ïa ki tnat dieng Tlai ha la ki kti.