MARKOS 9:24 - Khasi CL Bible (BSI)

²⁴ U kpa mar kumta hi u la pyrta, “Nga don ka jingngeit, hynrei kam da biang. To ïarap ïa nga ba ngan don shuh shuh!”

KA BAIBL

²⁴ Te kumne kumne ruh, haba u kpa uta u khynnah u la ïam jam, u la ong bad ki jingjaw ummat ruh, “Nga ngeit, A Trai; to ïarap ïa ka jingbymngeit jong nga.”

MARKOS 9:24 ပူးပေါင်းရင်းမြစ်များ

2 SAMUEL 16:12

Lehse U Trai un ïohi ïa ka jinglanot jong nga bad un ai ha nga katto katne ki jingkyrkhu ban shim bujli ïa ka jingtim jong u.”

2 SYIEM 20:5

ban leit phai pat sha u Hesekaïah, u nongsynshar jong ki briew U Trai, bad ban ong ha u, “Nga, U Trai U Blei jong u Dabid u kpa tymmen jong me, nga la ïohsngew ïa ka jingduwai jong me bad nga la ïohi ïa ki ummat jong me. Ngan pynkhiah ïa me, bad hadien lai sngi men leit sha ka Templ.

SALM 126:5

Ai ba kito kiba ïam katba ki bet ïa ki symbai jong ki kin ïohlum ïa ka jingot ha ka jingkmen!

SALM 39:12

To sngew ïa ka jingduwai jong nga, A Trai, bad to shahshkor ïa ka jingkyang jong nga; wan ban ïarap ïa nga haba nga ïam. Kum ki kpa tymmen jong nga baroh nga long tang u nongshong basa shipor jong me.

JEREMAÏAH 14:17

U Trai u la hukum ïa nga ban ïathuh ïa ki briew shaphang ka jingsngewsih jong nga bad ban ong: “Ai ba ki khmat jong nga kin tuid da ki ummat mynsngi bad mynmiet, ai ba da lei lei ngan ym sangeh ban ïam, namar ki briew jong nga ki la mynsaw jur bad ki la mong tyngeh.

MARKOS 9:23

“Ho-oid,” U Jisu u la ong, “lada ma me hi me lah. Kiei kiei baroh ki long kiba lah ïa u briew uba don ka jingngeit.”

MARKOS 9:25

U Jisu u la ïohi ba u paidbah u la nang kyntur ïa ki, kumta u la hukum ïa u mynsiem bymkhuid. “Mynsiem bakyllut bad bymnang kren,” u la ong, “Nga hukum ïa me ban mihnoh na u khynnah bad wat ju rung shuh hapoh jong u!”

LOUKAS 17:5

Ki apostol ki la ong ha U Trai, “To kham pynkhraw ïa ka jingngeit jong ngi.”

LOUKAS 7:38

bad ka la ïeng hadien jong U Jisu, hajan ki kjat jong u, ka da ïam bad ka da pynjhieh ïa ki kjat jong u da ki ummat jong ka. Nangta ka la ñiad pynrkhiang ïa ki kjat jong u da u shñiuh jong ka, ka la doh ïa ki, bad ka la theh ïa ka jingsleh ba-iwbih halor jong ki.

LOUKAS 7:44

Nangta u la phai sha kata ka briew bad u la ong ha u Simon, “Me ïohi ïa kane ka briew? Nga la wan shapoh ka ïing jong me, bad mem shym la ai um ïa nga na ka bynta ki kjat jong nga, hynrei ka la sait ïa ki kjat jong nga da ki ummat jong ka bad ka la ñiad rkhiang ïa ki da u shñiuh jong ka.

KI KAM 10:19

U Petros u dang ïai pyrshang ban shemphang aïu ka jingïohipaw ka kit jingmut, haba U Mynsiem u la ong, “Ha sngap! Lai ngut ki rangbah ki ïawad ïa me.

KI KAM 10:31

‘Ko Kornelios! U Blei u la ïohsngew ïa ki jingduwai jong me bad u la kynmaw ïa ki kam leh-isynei jong me.

2 KORINTH 2:4

Nga la thoh sha phi da ka dohnud kaba sngewkhia bad sngewkhuslai ryngkat bad ki ummat kiba bun; ka jingthmu jong nga kam shym long ban pynsngewsih ïa phi, hynrei ban pynsngewthuh ïa phi haduh katno nga ieit ïa phi baroh.

EPHESOS 2:8

Namar dei da ka jingaiei U Blei ba ïa phi la pynim da ka jingngeit. Kam dei na ka jingmih na ki kam jong phi hi, hynrei ka long ka jingai U Blei, khnang ba uno uno un ym lah ban kren sarong shaphang kata.

PHILIPPI 1:29

Naba ïa phi la ai ka lad ban shakri ïa U Khrist, ym tang ban ngeit ha u, hynrei ban shahshitom ruh na ka bynta jong u.

2 THESSALONI 1:11

Dei kata keiñ balei ba ngi ïai duwai borabor na ka bynta jong phi. Ngi kyrpad ïa U Blei jong ngi ban pynlong ïa phi kiba bit ïa ka jingim kaba u la khot ïa phi ban im. Ai ba un pyndap da ka bor jong u ïa ka jingkwah jong phi baroh na ka bynta ka jingbha bad ban pyndep ïa ka jingtrei ka jingngeit jong phi.

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

2 TIMOTHI 1:4

Nga kynmaw ïa ki ummat jong me, bad nga kwah eh ban ïohi ïa me, khnang ba yn ïoh pyndap ïa nga da ka jingkmen.

HEBRU 12:17

Hadien kata, phi tip, u la kwah ban ïohpdiang ïa ka jingkyrkhu u kpa jong u, hynrei u la shah kyntait; namar um ïohlad shuh ban pynkylla ïa kaei kaba u la leh, la u la wad ïa ka da ki jingjaw ummat.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.