MARKOS 8:6 - Khasi CL Bible (BSI)

⁶ U la hukum ïa u paidbah ban shong ha madan. Nangta u la shim ïa ki hynñiew tylli ki kpu bad u la ainguh ïa U Blei, u kdiah ïa ki, bad u la ai ïa ki ha la ki synran ban sam ha ki paidbah; bad ki synran ki la leh kumta.

KA BAIBL

⁶ U la hukum te ïa uta u paidbah ban shong ha khyndew: te haba u la shim ïa kita ki hynñiew tylli ki kpu, bad ba u la lah nguh, u la kdiah, bad u la ai ha ki synran jong u, ban buh ha khmat jong ki; ki ruh ki la buh ha khmat uta u paidbah.

MARKOS 8:6 ပူးပေါင်းရင်းမြစ်များ

MATHAÏOS 26:26

Katba ki dang ïabam, U Jisu u la shim shi lyngkhot u kpu, u la duwai ainguh, u la kdiah ïa u, bad u la ai ïa u ha ki synran jong u. “To shim bad to bam ïa u,” u la ong; “une u long ka met jong nga.”

MARKOS 8:20

“Bad haba nga la kdiah ïa ki hynñiew tylli ki kpu na ka bynta ki saw hajar ngut ki briew,” U Jisu u la kylli, “katno tukri kiba da ki lyngkhot kpu ba sah tam kiba phi la ïalum?” “Hynñiew,” ki la jubab.

MARKOS 8:5

“Katno tylli u kpu phi don?” U Jisu u la kylli. “Hynñiew tylli ki kpu,” ki la jubab.

MARKOS 8:7

Ki la don ruh katto katne tylli ki dohkha rit. U Jisu u la ainguh na ka bynta kine bad u la ong ïa ki synran ban sam ïa ki ruh.

LOUKAS 12:37

A katno kiba kmen long kito ki shakri kiba u kynrad jong ki u shem ba ki dang peitmat bad kiba la kloi haba u wan! Nga ong ha phi, ba un law ïa la ka jaiñkup, un ong ïa ki ban shong, bad un shakri ïa ki.

LOUKAS 24:30

U la shong bam bad ki, u la shim ïa u kpu, bad u la duwai; nangta u la kdiah ïa u kpu bad u la ai ïa u ha ki.

ÏOANNIS 2:5

Ka kmie jong U Jisu te ka la ong ïa ki shakri, “To leh kat kaba u ong ïa phi.”

ÏOANNIS 6:23

Kiwei pat ki lieng, kiba na Tiberias, ki la wan poi ha ka ryngkew hajan ka jaka ha kaba ki paidbah ki la bam ïa u kpu hadien ba U Trai u la ainguh.

Ka Shithi U Paul Sha Ki Nong Rom 14:6

Uno uno uba kheiñ kor bha ïa kano kano ka sngi, un leh kumta ha ka jingburom ïa U Trai, uno uno u ban bam ïa kaei kaei, un leh kumta ha ka jingburom ïa U Trai, namar u ainguh ïa U Blei na ka bynta kata ka jingbam. Uno uno uba kyntait ban bam ïa kino kino ki jingbam, un leh kumta ha ka jingburom ïa U Trai bad u ainguh sha U Blei.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.