MARKOS 8:34 - Khasi CL Bible (BSI)

³⁴ Nangta U Jisu u khot ïa u paidbah bad ïa la ki synran sha u. “Lada uno uno u kwah ban wan bad nga,” u la ong ïa ki, “u dei ban klet noh ïa lade, bah ïa la ka diengphna, bad bud ïa nga.

KA BAIBL

³⁴ Te haba U la khot ha U ïa u paidbah lem bad ki synran jong u, u la ong ha ki, “Jar uba mon ban wan bud nadien jong nga, ai ba un len ïa lade, bad un bah ïa la ka diengphna, bad un bud ïa nga:

MARKOS 8:34 ပူးပေါင်းရင်းမြစ်များ

1 SYIEM 14:8

Nga la shim noh ïa ka hima na kiba hiarpateng na u Dabid bad nga la ai ïa ka ha me. Hynrei mem shym long kum u Dabid u shakri jong nga, uba bud tylli ïa nga, uba kohnguh ïa ki hukum jong nga, bad uba leh ïa kaba dei ha khmat jong nga.

JINGKHEIÑ 14:24

Hynrei u Kaleb u shakri jong nga u don ka jinglong bapher bad u la ïaineh ha nga, ngan wallam ïa u sha kata ka ri kaba u la swar, bad ki khun ki ksiew jong u kin ïohkynti ïa kata ka ri

MATHAÏOS 10:38

Uno uno u bym shim ïa la ka diengphna bad bud ha dien'jat jong nga um long uba bit ban long u synran jong nga.

MATHAÏOS 16:24

Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

MATHAÏOS 27:32

Katba ki dang ïamih shabar, ki la ïakynduh ïa u briew na Kyrini uba kyrteng u Simon, bad ki shipai ki la pynbor ïa u ban bah ïa ka diengphna jong U Jisu.

MARKOS 10:21

U Jisu u la khmih shaiñ ha u da ka jingieit bad u la ong, “Me donkam tang kawei kaei kaei. Khie leit bad die ïa baroh kaba me don bad ai ïa ka pisa ha kiba duk, bad men ïoh ïa ka spah ha bneng; nangta sa wan bad bud ïa nga.”

MARKOS 7:14

Nangta U Jisu u la khot ïa u paidbah sha u sa shisien bad ong ha ki, “To shahshkor ïa nga, baroh na phi, bad to long kiba shemphang.

LOUKAS 13:24

U Jisu u la jubab ïa ki, “Leh ïa kaba bha tam ban rung lyngba ka khyrdop kaba khim; namar bun ki briew da kaba thikna kin pyrshang ban phrung lyngba jong ka hynrei kin ym lah.

LOUKAS 14:33

Ha kajuh ka rukom,” U Jisu u la pynkut, “ym don uno uno na phi uba lah ban long u synran jong nga lymda u iehnoh ïa kiei kiei baroh kiba u don.

LOUKAS 18:22

Haba U Jisu u la ïohsngew ïa kane, u la ong ha u, “Dang don sa kawei pat kaei kaei kaba me donkam ban leh. Die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta wan bad bud ïa nga.”

LOUKAS 20:45

Katba baroh ki paidbah ki dang shahshkor ïa u, U Jisu u la ong ha ki synran jong u,

LOUKAS 9:23

Bad u la ong ha ki baroh, “Lada uno uno u kwah ban wan bad nga, u dei ban klet ïa lade, un bah ïa la ka diengphna man ka sngi, bad bud ïa nga.

ÏOANNIS 10:27

Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

ÏOANNIS 19:17

U la mihnoh, u da bah ïa la ka diengphna, bad u la wan poi sha ka jaka ba la khot “Ka jaka Maloi Khlieh”, kumba la khot ïa ka. (Ha ka ktien Hebru la khot “Golgotha”).

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

Ka Shithi U Paul Sha Ki Nong Rom 6:6

Bad ngi tip ba ïa ka jinglong barim jong ngi la pynïap noh bad U Khrist halor ka diengphna, khnang ba ïa ka bor jong ka jinglong pop jong ngi, yn pynjot noh, khnang ba ngin ym long shuh ki mraw jong ka pop.

Ka Shithi U Paul Sha Ki Nong Rom 8:17

Naba ngi long ki khun jong U Blei, ngin ïohkynti ïa ki jingkyrkhu kiba u buh na ka bynta ki briew jong u, bad ngin ïohkynti ruh lem bad U Khrist ïa kaei kaba U Blei u la lah buh na ka bynta jong u; naba lada ngi ïadon bynta lem ha ka jingshah shitom U Khrist, ngin ïoh ruh ban ïadon bynta ha ka burom jong u.

1 KORINTH 15:31

Ko parabangeit jong nga, nga ïakynduh ïa ka jingïap man la ka sngi! Ka jingsngew sarong kaba nga don ha phi, ha ka jingim jong ngi ha U Khrist Jisu uba U Trai jong ngi, ka pynlong ïa nga ban pynbna ïa kane.

1 KORINTH 8:13

Te namarkata, lada ka jingbam ka pynlong ïa u parabangeit jong nga ban leh pop, ngan ym bam doh shuh, khnang ba ngan ym pynlong ïa u parabangeit jong nga ban hap ha ka pop.

1 KORINTH 9:19

Nga long u briew uba laitluid, ym u mraw jongno jongno; hynrei nga pynlong ïa lade u mraw jong baroh khnang ba ngan jop katba lah ïa ki briew kiba bun.

GALATIA 2:20

khnang ba ym dei shuh ma nga uba im, hynrei dei U Khrist uba im ha nga. Kane ka jingim kaba nga im mynta, nga im da ka jingngeit ha U Khun U Blei, uba la ieit ïa nga bad uba la aiti ïa la ka jingim na ka bynta jong nga.

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

GALATIA 6:14

Pynban, na ka bynta jong nga, ngan sngewsarong tang shaphang ka diengphna U Jisu Khrist uba U Trai jong ngi; naba da ka diengphna jong u, ka pyrthei ka la ïap ïa nga, bad nga la ïap ïa ka pyrthei.

PHILIPPI 3:10

Baroh kaba nga kwah ka long ba ngan ithuh ïa U Khrist bad ban mad ïa ka bor ka jingmihpat jong u, ban ïoh bynta ha ki jingshahshitom jong u, bad ban long kum ma u ha ka jingïap jong u,

PHILIPPI 3:7

Hynrei kita kiei kiei baroh kiba nga lah ban ñiew kum ka jingmyntoi; ïa kine, nga la ñiew mynta ka jingduh na ka bynta U Khrist.

KOLOSSAI 1:24

Bad mynta nga kmen shaphang ki jingshahshitom jong nga na ka bynta jong phi, naba da ki jingshahshitom jong nga ha ka doh, nga ïarap ban pyndep ïa kaei kaba dang sah na ki jingshahshitom jong U Khrist na ka bynta ka balang, kaba long ka met jong u.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

2 THESSALONI 3:11

Ngi ong ïa kane, namar ngi ïohsngew ba don katto katne ngut ki briew hapdeng jong phi kiba im ka jingim bajaipdeh bad ki bym trei ei ei lait tang ban lushia ha ka kam jong kiwei pat ki briew.

TITOS 2:12

Ba ka jingaiei ka hikai ïa ngi ban iehnoh ïa ka rukom im bymriewblei bad ïa ki jingkwah brai ba kynja pyrthei, bad ban im da kaba synshar ïa lade, ban im hok, bad ban im riewblei ha kane ka pyrthei,

HEBRU 13:13

Te, to ngin leit sha u shabar ka jaka shong dara ban ïoh bynta lang ha ka jingshah lehrain jong u.

1 PETROS 4:1

Haba U Khrist u la shahshitom ha ka doh, phi ruh phi dei ban pynkhlaiñ ïa lade da kajuh ka jingpyrkhat kaba u la don; namar uno uno uba shahshitom ha ka doh um ïakhleh shuh bad ka pop.

1 PETROS 4:13

Pynban to shadkmen ba phi ïoh bynta lem ha ki jingshahshitom U Khrist, khnang ba phi lah ban long kiba dap da ka jingkmen haba ïa ka burom jong u yn pynpaw.

2 PETROS 1:14

Nga tip ba shen ngan sa iehnoh ïa kane ka met bapyut kumba U Jisu Khrist U Trai jong ngi u la ïathuh shai ha nga.

1 ÏOANNIS 3:16

Kane ka long kumno ngi tip kaei ka jingieit: U Khrist u la aiti ïa la ka jingim na ka bynta jong ngi. Ngi ruh, namarkata, ngi dei ban ai ïa la ki jingim na ka bynta ki parabriew!

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.