MARKOS 8:31 - Khasi CL Bible (BSI)

³¹ Nangta U Jisu u la sdang ban hikai ïa ki synran jong u: “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un sa shah pynïap, hynrei hadien lai sngi yn sa pynmihpat ïa u.”

KA BAIBL

³¹ Te u la sdang ban hikai ïa ki, ba ka dei ïa U Khun u briew ban shah shibun kiei kiei ruh, bad ba yn kyntait da ki tymmen basan, bad ki rangbah lyngdoh, bad ki nongthoh, bad ba yn pynïap ruh; bad hadien lai sngi un mihpat.

MARKOS 8:31 ပူးပေါင်းရင်းမြစ်များ

SALM 118:22

U maw uba ki nongtei ki la kyntait kum u bymdondor u la jia long uba donkam eh na baroh.

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

HOSIA 6:2

Ha ki ar ne lai sngi un pynim ïa ngi, bad ngin ïoh im ha ka jingdon ryngkat jong u.

JONAH 1:17

Ha ka hukum U Trai, u dohkha uba heh u la nguid ïa u Jonah, bad u la don hapoh u dohkha lai sngi lai miet.

MATHAÏOS 12:40

Ha kajuh ka rukom ba u Jonah u la pynlut lai sngi bad lai miet hapoh u dohkha uba heh, kumta U Khun U Briew un pynlut lai sngi bad lai miet ha kiba jylliew jong ka khyndew.

MATHAÏOS 21:42

U Jisu u la ong ha ki, “Hato phim pat ju pule ïa kaei ba ki Jingthoh Bakhuid ki ong? “ ‘Ïa u maw ba ki nongtei ki la kyntait kum u bymdondor u la kylla long uba donkam tam na baroh. Ïa kane la leh da U Trai; katno ka long kaba itynnat!’ ”

MATHAÏOS 27:63

bad ki la ong, “Ko Kynrad, ngi kynmaw ba katba uta u nongshukor u dang im u la ong, ‘Yn sa pynmihpat ïa nga hadien lai sngi.’

MARKOS 12:10

Hato da shisha phi la pule ïa kane ka Jingthoh Bakhuid? “ ‘U maw ïa uba ki nongtei ki la kyntait kum u bymmyntoi, u la kylla long uba donkam eh na baroh.

LOUKAS 17:25

Hynrei, nyngkong u dei ban shahshitom shikatdei eh bad ban shah kyntait da ki briew jong kane ka pateng.

LOUKAS 24:26

Hato kam long kaba donkam ïa U Messaïah ban shahshitom ïa kine kiei kiei baroh bad nangta ban rung sha ka burom jong u?”

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

ÏOANNIS 12:48

Uno uno uba kyntait ïa nga bad u bym pdiang ïa ka khubor jong nga, u don uwei u ban bishar ïa u. Ki ktien kiba nga la kren kin long u nongbishar jong u ha ka sngi kaba khatduh!

ÏOANNIS 2:19

U Jisu u la jubab, “Pynpra ïa kane ka Templ, bad ha ki lai sngi ngan tei pat ïa ka.”

KI KAM 7:35

“U Moses u long uta uba la shah kyntait da ki paid Israel. ‘Uei uba la pynlong ïa me u nongsynshar bad u nongbishar halor jong ngi?’ ki la kylli. U long ma u, uba U Blei u la phah ban synshar ïa ki briew bad ban pyllaitluid ïa ki da ka jingïarap jong u angel uba la mihpaw ha u ha ka bniap kaba mehding.

1 KORINTH 15:4

ba la tep ïa u bad ba la pynmihpat ïa u hadien lai sngi, kumba la thoh ha ki Jingthoh Bakhuid;

1 SAMUEL 10:19

Nga long U Blei jong phi, uta uba pyllait ïa phi na ki jingjynjar bad ki jingshitom jong phi baroh hynrei mynta phi la kyntait ïa nga bad phi la pan na nga ban ai ïa phi da u syiem. Namar kata, ïalumlang ïa lade ha khmat U Trai, shi jait shi jait, bad shi kur shi kur.’ ”

1 SAMUEL 8:7

bad U Trai u ong, “Shahshkor ïa kaei kaba u paidbah u ong ha me; mem long ma me uba ki kyntait, Nga long ma nga ïa uba ki la kyntait kum u syiem jong ki.