MARKOS 8:2 - Khasi CL Bible (BSI)

² “Nga sngewsynei ïa kine ki briew, namar ki la don bad nga la lai sngi bad mynta kim don ei ei shuh ban bam.

KA BAIBL

² “Nga sngewsynei ïa u paidbah; naba mynta la lai sngi ki la ïashong bad nga, bad kim don shuh ei ei ruh ban bam:

MARKOS 8:2 ပူးပေါင်းရင်းမြစ်များ

1 SYIEM 19:6

U la peit sawdong bad u ïohi shi lyngkhot u kpu bad shi khiew ka um hajan ka khlieh jong u. U la bam bad dih um, bad u la thiah biang.

SALM 103:13

Kumba u kpa u long uba sbun ïa ki khun jong u, kumjuh ruh U Trai u long uba sbun ïa kito kiba pyndonburom ïa u.

SALM 145:15

Baroh kiei kiei kiba im ki khmih da ka jingkyrmen sha me, bad me ai ïa ki ka jingbam haba ki donkam ïa ka.

SALM 145:8

U Trai u long uba dap da ka jingieit bad uba isynei, uba suki ban bitar bad uba dap da ka jingieit baneh.

MIKAH 7:19

Men long uba leh-isynei sa shisien pat. Men ïuh ha ki kjat ïa ki pop jong ngi bad ñiat ïa ki sha trai jong ka duriaw!

MATHAÏOS 14:14

U Jisu u la hiar na ka lieng, bad haba u la ïohi ïa u paidbah babun, ïa ka dohnud jong u la pyndap da ka jingisynei ïa ki, bad u la pynkhiah ïa kito kiba la pang.

MATHAÏOS 20:34

U Jisu u la isynei ïa ki bad u la ktah ïa ki khmat jong ki; mar kumta hi ki la lah ban ïohi, bad ki la bud ïa u.

MATHAÏOS 9:36

Haba u la ïohi ïa ki paidbah, la pyndap ïa ka dohnud jong u da ka jingsngewsynei na ka bynta jong ki, namar ki la khuslai bad kim lah ban leh ei ei, kum ki langbrot khlem u nongsharai.

MARKOS 1:41

U Jisu u la dap da ka jingsngewsynei bad u la kner ïa la ka kti bad u la ktah ïa u. “Nga mon,” u la jubab. “To long khuid!”

MARKOS 5:19

Hynrei U Jisu um shah ïa u. Pynban, u la ong ïa u, “Khie leit phai pat sha ïing sha la ki ba-ha-ïing ha-sem jong me bad ïathuh ïa ki haduh katno U Trai u la leh na ka bynta jong me bad kumno u la lehsbun ïa me.”

MARKOS 6:32

Kumta ki la sdang ban leit da ka lieng tang ma ki hi sha ka jaka kynjah.

MARKOS 6:34

Haba U Jisu la hiar na ka lieng, u la ïohi ïa une u paidbah babun, bad ïa ka mynsiem jong u la pyndap da ka jingsngewsynei ïa ki, namar ki la long kum ki langbrot khlem u nongsharai. Kumta u la sdang ban hikai bun kiei kiei ïa ki.

MARKOS 8:3

Lada nga phah ïa ki sha ïing khlem bsa ïa ki, kin ïapler katba ki dang ïaid, namar katto katne ngut na ki, ki la wan na ka lynti bajngai.”

MARKOS 9:22

“Bunsien u mynsiem bymkhuid u la pyrshang ban pynïap ïa u da ka bret ïa u ha ka ding bad ha ka um. To isynei ïa ngi bad ïarap ïa ngi, lada me lah!”

LOUKAS 15:20

Kumta u la ïeng joit bad u la leit phai pat sha la u kpa. “U dang kham pajih ha ka lynti na ïing haba u kpa jong u, u la ïohi ïa u; ka dohnud jong u ka la dap da ka jingisynei, bad u la mareh, u la piam ïa la ki kti sawdong jong u, bad u la doh ïa u.

LOUKAS 7:13

Haba U Trai u la ïohi ïa ka, la pyndap ïa ka dohnud jong u da ka jingisynei ïa ka, bad u la ong ha ka, “Wat ïam.”

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

HEBRU 5:2

Namar u hi u long uba tlot ha kiba bun rukom, u lah ban long uba jemnud bad kito ki bym don ka jingtip bad kiba leh bakla.