MARKOS 8:13 - Khasi CL Bible (BSI)

¹³ U la iehnoh ïa ki, u la kiew pat halor ka lieng bad u la sdang ban leit sha shiliang jong ka duriaw.

KA BAIBL

¹³ Te haba u la iehnoh ïa ki, u la kiew pat ha kata ka lieng, bad u la leit noh sha shiliang.

MARKOS 8:13 ပူးပေါင်းရင်းမြစ်များ

SALM 81:12

Kumta nga la shah ïa ki ban ïaid mutlop ha ki lynti jong ki bad ban leh kat kaba ki mon.

JEREMAÏAH 23:33

U Trai u la ong ïa nga, “Ko Jeremaïah, haba uwei na ki briew jong nga ne u nongïathuhlypa ne u lyngdoh u kylli ïa me, ‘Kaei ka khubor jong U Trai?’ Men ïathuh ha u, ‘Me long ka jingkit ïa U Trai, bad un sa kynther noh ïa me.’

HOSIA 4:17

Ki paid Israel ki don hapoh ka jingshoh bieit ki bleithaw. Ai kin ïaid ha la ka jong ka lynti.

HOSIA 9:12

Hynrei wat la ki ïoh pynheh pynsan ïa la ki khun, ngan shim noh ïa ki bad ngan ym pynsah im uwei ruh. Haba ngan iehnoh noh ïa kine ki briew, kiei kiei kiba shyrkhei kin wan jia ha ki.”

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

MATHAÏOS 7:6

“Wat ai ïa kaei kaba khuid ha ki ksew — kin shu phai pynban bad tur ban dait ïa phi. Wat bret ïa ki mawlynnai ha khmat ki sniang — kin shu ïuh pynban ïa ki hapoh ka kjat.

MARKOS 8:12

Hynrei U Jisu u la ud jylliew bad u la ong, “Balei ba ki briew mynta ki kwah ban ïohi kambah? Em, nga ong ïa phi! Yn ym ai kum kata ka jingpynshisha ha kine ki briew!”

MARKOS 8:14

Ki synran ki la klet ban wallam kpu kat ban dap, bad ki la don tang uwei u kpu bad ki.

LOUKAS 8:37

Nangta baroh ki briew na kata ka thain ki la kyrpad ïa U Jisu ban leit noh, namar ba ki la sheptieng shikatdei eh. Kumta U Jisu u la kiew halor ka lieng bad u la leit noh.

ÏOANNIS 12:36

To ngeit ha ka jingshai, namarkata, katba phi dang don ïa ka, ba kumta phin long ki briew jong ka jingshai.” Hadien ba U Jisu u la ong ïa kane, u la leit noh bad u la buhrieh ïa lade na ki.

ÏOANNIS 8:21

U Jisu u la ong biang ha ki, “Ngan leit noh; phin ïawad ïa nga, hynrei phin ïap ha ki pop jong phi. Phim lah ban leit shano sha ba ngan leit.”

KI KAM 18:6

Haba ki la ïa-pyrshah ïa u bad ki la ong kiei kiei kiba sniew shaphang jong u, u la pynpaw ïa ka jingsngew pyrshah da kaba kynther ïa u pui pui na ki jaiñ jong u bad ong ha ki, “Lada phi long kiba la jah noh, phi hi da lade phi dei ban shim ka jingkitkhlieh na ka bynta jong ka! Ngam don jingkitkhlieh. Naduh mynta ngan leit sha ki Jentil.”

KI KAM 27:2

Ngi la kiew da ka lieng na Adramyttion kaba la khreh ban leit sha ki kadlieng jong ka probins jong ka Asia, bad ngi la leit. U Aristarkhos, u nong Makedonia uba na Thessaloni, u la don lem bad ngi.