MARKOS 8:11 - Khasi CL Bible (BSI)

¹¹ Katto katne ngut ki Pharisi ki la wan ha U Jisu bad ki la sdang ban ïania bad u. Ki la kwah ban riam ïa u, kumta ki la ong ïa u ban leh kambah ban pynshisha ba U Blei u la mynjur ïa u.

KA BAIBL

¹¹ Te ki Pharisi ki la mih noh, bad ki la sdang ban ïakylli nia ïa u, ba ki ïawad na u ka dak na bneng, ki da ïatynjuh ïa u.

MARKOS 8:11 ပူးပေါင်းရင်းမြစ်များ

EKSODOS 17:2

Ki la khñium ha u Moses, bad ki la ong, “Ai um ïa ngi ban dih.” U Moses u ong ha ki, “Balei keiñ phi ïakhñium ïa nga? Balei phi tynjuh ïa U Trai?”

EKSODOS 17:7

Ïa kata ka jaka la khot ka Massah bad ka Meribah, namar ba ki Israel ki la ïakhñium bad tynjuh ïa U Trai haba ki ïakylli, “Hato U Trai u don ne em bad ngi?”

MALAKHI 3:15

Kumba ngi ïohi ïa ka, ki briew kiba sarong ki long kita kiba kmen. Ki briew kiba sniew ym tang ba ki roi kyrhai, hynrei ki tynjuh ïa ka jingïaishah U Blei da ki kam basniew jong ki bad ki lait na kata.’”

MATHAÏOS 12:38

Nangta katto katne ki nonghikai ka Hukum bad katto katne ki Pharisi ki la kren. “Ko Nonghikai,” ki la ong, “ngi kwah ban ïohi ïa me ba me leh kambah.”

MATHAÏOS 19:3

Katto katne ngut ki Pharisi ki la wan sha u bad ki la pyrshang ban riam ïa u da kaba kylli, “Hato ka Aiñ jong ngi ka shah ïa u briew ban pyllait noh ïa ka tnga jong u na ka bynta kano kano ka daw kaba u mon?”

MATHAÏOS 21:23

U Jisu u la wan pat sha ka Templ; bad katba u dang hikai, ki rangbah lyngdoh bad ki tymmen ki san ki la wan sha u bad ki la kylli, “Me don hok aïu ban leh ïa kine kiei kiei? Mano ba ai ha me ïa kane ka hok?”

MATHAÏOS 22:15

Ki Pharisi ki la leit noh bad ki la pynlong ka jingthmu ban riam ïa U Jisu da ki jingkylli.

MATHAÏOS 22:18

U Jisu pat, u la sngewthuh ïa ka jingthmu basniew jong ki, bad kumta u la ong, “Phi kiba arsap! balei phi ïapyrshang ban riam ïa nga?

MATHAÏOS 22:23

Ha kata kajuh ka sngi don na ki Saddusi ki la wan sha U Jisu bad ki la kam ba ki briew kin ym mihpat na ka jingïap.

MARKOS 12:15

Hynrei U Jisu u la ïohi ïa ka buit bashapoh jong ki bad u la jubab, “Balei ba phi ïapyrshang ban riam ïa nga? Wallam ïa ka sbai rupa, bad ai ba ngan khmih ïa ka.”

MARKOS 2:16

Katto katne ngut na ki nonghikai ka Hukum, kiba long ki Pharisi, ki la ïohi ïa U Jisu ba u ïabam bad kine ki briew ba la shah kyntait lem bad ki nonglum khajna, kumta ki la kylli ïa ki synran jong u, “Balei ba u ïabam lang bad kum kine ki briew?”

MARKOS 9:16

U Jisu u la kylli ïa ki synran jong u, “Shaphang kaei phi ïania bad ki?”

LOUKAS 10:25

U nonghikai ka Hukum u la wan bad u la pyrshang ban riam ïa U Jisu. “Ko Nonghikai,” u la kylli, “kaei nga dei ban leh ban ïohpdiang ïa ka jingim bymjukut?”

LOUKAS 11:16

Kiwei ki la kwah ban riam ïa U Jisu, kumta ki la ong ha u ban leh ka kambah ban pyn-i ba U Blei u la pdiang ïa U.

ÏOANNIS 4:48

U Jisu u la ong ha u, “Ym don uwei ruh na phi u ban ngeit lymda u ïohi ïa ki kambah bad ki kamphylla.”

ÏOANNIS 6:30

Ki la phai ktien, “Ka kambah aïu men leh ba ngi lah ban ïohi ïa ka bad ngeit ha me? Kaei ba men leh?

ÏOANNIS 7:48

“Hato phi la ju tip ba don uno uno na ki nongsynshar jong ki Jiw ne uwei u Pharisi kiba ngeit ha u?

ÏOANNIS 8:6

Ki la ong ïa kane ban riam ïa U Jisu, khnang ba ki lah ban mudui ïa u. Hynrei u la dem sha khyndew bad u la thoh ha madan da la ka shympriah kti.

KI KAM 5:9

Kumta u Petros u la ong ha ka, “Balei ba ma pha bad u tnga jong pha, phi kut jingmut ban tynjuh ïa U Mynsiem jong U Trai? Ki samla kiba la tep ïa u tnga jong pha ki la don mynta ha ka jingkhang, bad kin bah noh ïa pha ruh shabar!”

1 KORINTH 10:9

Ngim dei ban tynjuh ïa U Trai, kumba don na ki, kiba la leh kumta — bad la pynïap ïa ki da ki bseiñ.

DEUTERONOMI 6:16

“Wat tynjuh ïa U Trai U Blei jong phi, kumba phi la leh ha Massah.