MARKOS 7:9 - Khasi CL Bible (BSI)

⁹ Bad U Jisu u la bteng da kaba ong, “Phi don ka rukom basian jong ka jingkyntait ïa ka hukum U Blei ban pynneh ïa la ka jong ka jinghikai hi.

KA BAIBL

⁹ U la ong ruh ha ki, “Phi kyntait la biang keiñ ïa ka hukum U Blei, ba phin ïoh sumar ïa ka rukom pateng la pateng jong phi;

MARKOS 7:9 ပူးပေါင်းရင်းမြစ်များ

SALM 119:126

A Trai, ka la dei ka por ba men leh ei ei, namar ki briew kim kohnguh ïa ka aiñ jong me.

ISAÏAH 24:5

Ki briew ki la pyntngit ïa ka pyrthei da kaba pynkheiñ ïa ki aiñ jong U Blei bad da kaba ïaleh pyrshah ïa ka jutang kaba u la pynlong ban neh junom.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

DANIEL 11:36

“U syiem ka Syria un leh kat kaba u sngewbha. Un kob ba u long kham khraw ban ïa uno uno u blei, kham halor wat ïa U Blei Bahakhlieh Tam Eh. Un lah ban leh ïa kane tad haduh ha ka por haba U Blei un pynshitom ïa u. U Blei un leh thik ïa kaei kaba u la thmu.

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

MARKOS 7:13

Ha kane ka rukom ka jinghikai ba phi ai pateng sha kiwei pat ka pynduh noh ïa ka ktien jong U Blei. Bad don bun kiwei kiei kiei kum kane kaba phi leh.”

MARKOS 7:3

(Na ka bynta ki Pharisi, kumjuh ruh na ka bynta ki Jiw baroh, ki bud ïa ka jinghikai kaba ki la ïoh na ki kpa tymmen jong ki: Kim ju bam lymda ki sait ïa la ki kti ha ka rukom kaba dei;

MARKOS 7:5

Kumta ki Pharisi bad ki nonghikai ka Hukum ki la kylli ïa U Jisu, “Balei ba ki synran jong me kim bud ïa ka jinghikai ba la ai pateng da ki kpa tymmen jong ngi, hynrei pynban ki bam da ki kti bym khuid kat kum ka jinglehniam?”

Ka Shithi U Paul Sha Ki Nong Rom 3:31

Hato kane ka mut ba da kane ka jingngeit ngi kyntait noh ïa ka Hukum? Em, ym kumta; pynban, ngi pynskhem ïa ka Hukum.

2 KORINTH 11:4

Naba phi la ïaishah da kaba kmen ïa uno uno uba wan ha phi bad ïalap ïa uwei pat U Jisu, ym uta uba ngi la ïalap; bad phi pdiang ïa u mynsiem bad ïa ka gospel kaba pher shibun na U Mynsiem bad ka gospel kaba phi la ïohpdiang na ngi!

GALATIA 1:14

Nga la long uba ha khmat tam ïa kiba bun ki para Jiw kiba ïaryngkat rta bad nga ha kaba bud pyrkhing ïa ka niam Jiw, bad nga la kham pynleit jingmut shibun ha ki rukom pateng jong ki kpa tymmen jong ngi.

GALATIA 2:21

Ngam treh ban kyntait ïa ka jingaiei U Blei. Hynrei lada la pynksan ïa u briew ha U Blei da ka Hukum, ka mut ba U Khrist u la ïap lehnoh-ei!

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.