MARKOS 7:6 - Khasi CL Bible (BSI)

⁶ U Jisu u la jubab ïa ki, “A katno kaba dei ba u Isaïah u la ïathuhlypa shaphang jong phi! Phi long kiba arsap, thik kumba u la thoh: “ ‘Kine ki briew, ong U Blei, ki burom ïa nga da ki ktien jong ki, hynrei ka dohnud jong ki, ka long jngai shisha na nga.

KA BAIBL

⁶ U la ïathuh te ha ki, “Ka dei kaba u Isaïah u la ïathuhlypa shaphang jong phi kiba arsap, kumba la thoh: “ ‘Kine ki briew ki burom ïa nga da la ki rmiang shyntur, hynrei, ka dohnud jong ki te ka jngai na nga:

MARKOS 7:6 ပူးပေါင်းရင်းမြစ်များ

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

ÏOANNIS 15:24

Kin ym da la sngewrem ïa ka pop lada ngam shym la leh hapdeng jong ki ïa kiei kiei kiba ym don uno uno uwei pat uba la ju leh; kumba ka long, ki la ïohi ïa kaei kaba nga la leh, bad ki shun ïa nga bad ïa U Kpa jong nga.

ÏOANNIS 5:42

Hynrei nga tip kiba kumno ki briew phi long, bad nga tip ba phim don ka jingieit ïa U Blei ha ki dohnud jong phi.

KI KAM 28:25

Kumta ki la leit noh, da ka jingbymïasngewthuh jingmut para ma ki, hadien ba u Paul u la lah ong ïa kane kawei: “Katno kaba dei ba U Mynsiem Bakhuid u la kren ha ki kpa tymmen jong ngi lyngba u Isaïah u nongïathuhlypa!

2 TIMOTHI 3:5

ki bat ïa kaba paw shabar jong ka niam jong ki, hynrei kin kyntait ïa ka bor bashisha jong ka. To kiar noh na kiba kum kita ki briew.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.