MARKOS 7:5 - Khasi CL Bible (BSI)

⁵ Kumta ki Pharisi bad ki nonghikai ka Hukum ki la kylli ïa U Jisu, “Balei ba ki synran jong me kim bud ïa ka jinghikai ba la ai pateng da ki kpa tymmen jong ngi, hynrei pynban ki bam da ki kti bym khuid kat kum ka jinglehniam?”

KA BAIBL

⁵ Namar kata, kita ki Pharisi bad kita ki nongthoh ki la kylli ïa u, “Balei ba ki synran jong me kim ïaid kat kum ka rukom pateng la pateng ki tymmen basan, hynrei, ki bam ja da ki kti kiba khlem thet?”

MARKOS 7:5 ပူးပေါင်းရင်းမြစ်များ

MATHAÏOS 15:2

“Balei ba ki synran jong me kim kohnguh ïa ka jinghikai ba la ai pateng da ki kpa tymmen jong ngi? Kim ju thet ïa la ki kti ha ka rukom kaba dei ha shuwa ba kin bam!”

MARKOS 7:13

Ha kane ka rukom ka jinghikai ba phi ai pateng sha kiwei pat ka pynduh noh ïa ka ktien jong U Blei. Bad don bun kiwei kiei kiei kum kane kaba phi leh.”

MARKOS 7:8

“Phi la kyntait noh ïa ka hukum U Blei bad phi kohnguh ïa ki jinghikai jong ki briew.”

MARKOS 7:9

Bad U Jisu u la bteng da kaba ong, “Phi don ka rukom basian jong ka jingkyntait ïa ka hukum U Blei ban pynneh ïa la ka jong ka jinghikai hi.

KI KAM 21:21

La ïathuh ha ki, ba me la hikai ïa ki Jiw baroh kiba shong basah ha ki ri jong ki Jentil ban iehnoh ïa ka Hukum u Moses, da kaba ong ïa ki ban ym otsher ïa ki khun jong ki lane bud ïa ki dustur jong ki Jiw.

KI KAM 21:24

Khie leit bad ki bad ïasoh bad ki ha ka jinglehniam ka jingpynkhuid bad siew ïa ki jinglut jingsep jong ki; nangta kin lah ban khi ïa la ki khlieh. Ha kane ka rukom uwei pa uwei un tip ba kam don ka jingshisha ha kano kano na kita kiei kiei kiba la ïathuh ha ki shaphang jong me, hynrei ba ma me hi me im kat kum ka Hukum u Moses.

Ka Shithi U Paul Sha Ki Nong Rom 4:12

U long ruh u kpa jong kito ïa kiba la otsher, kata, jong kito kiba, nalor ba la otsher ïa ki, ki la im ruh ïa kajuh ka jingim jong ka jingngeit kaba u Abraham u kpa jong ngi u la im shuwa ba yn otsher ïa u.

GALATIA 1:14

Nga la long uba ha khmat tam ïa kiba bun ki para Jiw kiba ïaryngkat rta bad nga ha kaba bud pyrkhing ïa ka niam Jiw, bad nga la kham pynleit jingmut shibun ha ki rukom pateng jong ki kpa tymmen jong ngi.

2 THESSALONI 3:11

Ngi ong ïa kane, namar ngi ïohsngew ba don katto katne ngut ki briew hapdeng jong phi kiba im ka jingim bajaipdeh bad ki bym trei ei ei lait tang ban lushia ha ka kam jong kiwei pat ki briew.

2 THESSALONI 3:6

Ko parabangeit jong ngi, ngi hukum ïa phi ha ka kyrteng jong U Jisu Khrist uba U Trai jong ngi ban kiar noh na ki bangeit baroh kiba im ka jingim bajaipdeh bad ki bym bud ïa ki jingbthah kiba ngi ai ha ki.