MARKOS 7:4 - Khasi CL Bible (BSI)

⁴ lymne kim ju bam ïa kaei kaei kaba wanrah na ïew lymda ki sait shuwa ïa ka. Bad ki bud ïa kiba bun kiwei ki aiñ kiba ki la ïohpdiang, kum kaba sait ha ka rukom kaba dei ïa ki khuri, ki khiew, ki pliang rnong, bad ki jingthiah.)

KA BAIBL

⁴ Haba ki wan ruh na ïew, lymda ki ïoh sum, kim bam satia. Bad bun kiwei kiwei pat ruh don, ïa kiba ki la pdiang ban bat skhem, kum ki jingsait ki khuri, bad ki luta, bad ki pliang, bad ki palong ruh).

MARKOS 7:4 ပူးပေါင်းရင်းမြစ်များ

SALM 26:6

A Trai, nga sait ïa la ki kti ban pyn-i ba nga long uba lui lui bad nga ïaid sawdong ka duwan ha kaba mane ïa me.

ISAÏAH 1:16

To sait pynkhuid ïa lade. Pynsangeh ïa kane ka jingsniew baroh kaba nga ïohi ba pha leh. Ho-oid ban leh ïa kaba sniew

JEREMAÏAH 35:5

Nangta nga la buh ïa ki khuri bad ki pliang ba la dap waiñ ha khmat ki Rekhab, bad nga ong ïa ki, “To dih waiñ khyndiat.”

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

MATHAÏOS 23:25

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi pynkhuid ïa kaba shabar jong ka khuri bad ka pliang jong phi, katba kaba shapoh ka dap da kaei kaba phi ïoh da ka jingleh jubor bad ka jingpyrkhat tang ïa lade.

MATHAÏOS 23:26

Ko Pharisi bamatlah! To pynkhuid nyngkong ïa kaei kaba shapoh jong ka khuri, bad nangta kaba shabar kan long ruh kaba khuid!

MATHAÏOS 27:24

Haba u Pilat u la ïohi ba kam donkam ban pynjlan, hynrei ba kan pynmih pynban ka jingkhynwin, u la shim khyndiat ka um, u la thet ïa la ki kti ha khmat u paidbah, bad u la ong, “Ngam don jingkitkhlieh na ka bynta ka jingïap jong une u briew! Kane ka dei ka jingleh jong phi!”

MARKOS 7:8

“Phi la kyntait noh ïa ka hukum U Blei bad phi kohnguh ïa ki jinghikai jong ki briew.”

ÏOANNIS 2:6

Ki Jiw ki don ki aiñ shaphang ka jinglehniam haba sait pynkhuid, bad na ka bynta kane ka jingthmu la don hynriew tylli ki khra-maw buh um, uwei uwei u ngiam kumba shispah litar ka um.

ÏOANNIS 3:25

Katto katne ngut na ki synran jong u Ïoannis ki la sdang ban ïatainia bad u Jiw shaphang ki bynta ba ïadei bad ka jinglehniam ka jingpynkhuid.

HEBRU 9:10

namar ba ki ïadei tang bad ka jingbam, ka jingdih bad ki niam ki rukom pynkhuid babun jait. Kine baroh ki long ki aiñ kiba tang shabar, kiba ïadei tang haduh ka por ba U Blei un seng nongrim da kaei kaba thymmai.

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.