MARKOS 7:22 - Khasi CL Bible (BSI)

²² ban klim, ban lalot, bad leh baroh kiei kiei kiba sniew; ka jingshukor, ka jingbymdon-burom, ka jingbishni, kaba kren sniew shaphang kiwei, ka jingsarong, bad ka jingbieit —

KA BAIBL

²² kiba tuh, kiba kurup, kiba pynsniew, kaba arsap, kaba nuti, kaba khwan lalot, kaba khmih sniew, kaba krenbeiñ, kaba sngewkhraw, bad kaba leh bieit:

MARKOS 7:22 ပူးပေါင်းရင်းမြစ်များ

2 KHRONIKL 32:31

U Hesekaïah u ïoh jingjop ha kiei kiei baroh kiba u la leh, bad wat haba ki nonglamktien ka Babilon ki wan ban kylli shaphang ki jingjia bym ju kham jia kiba jia ha ka ri, U Blei u shah ba u Hesekaïah un leit ha la ka lynti tang ban tynjuh ïa ka jinglong jong u.

SALM 10:4

U riewbymman um salia shaphang U Trai; ha ka jingsarong jong u, u pyrkhat ba U Blei um da donkam.

SALM 119:36

To ai ha nga ka jingangnud ban kohnguh ïa ki aiñ jong me ban ïa kaba ïoh spah.

PROBERB 12:23

Ki briew kiba sian ki sngap jar ïa kaei kaba ki tip, hynrei kiba mutlop ki thad ïa la ka jingbieit.

PROBERB 22:15

Ki khynnah na la ka tynrai ki leh kiei kiei kiba ibieit, khlem sumar, hynrei ka jingsneng sympat kaba bha ka hikai ïa ki kumno ban long.

PROBERB 23:6

Wat ïabam ha ka miej u briew uba khapnap lane uba kwah lalot ïa ki jingbam bang ba u pynkhreh.

PROBERB 24:9

Kano kano ka jingthmu ba u bieit u pyrkhat ka long pop. Ki briew ki isih ïa u briew u bym don ei ei hynrei uba rkhiebeiñ ïa kiwei.

PROBERB 27:22

Wat lada phi shoh ïa u bieit haduh ba u la jan ïap, pynban phin ym lah satia ban weng ïa ka jingbieit na u.

PROBERB 28:22

Ki briew kiba pyrkhat tang ïa lade ki kyrkieh ban ïoh spah ha kaba kim tip lano ka jingduk kan lap.

EKLESIASTIS 7:25

Hynrei nga la pynleit ïa lade ha ka jingtip bad ha ka jingpule bniah; nga la kut jingmut ban shem ïa ka jingstad bad ïa ki jubab ïa ki jingkylli jong nga, bad ban tip haduh katno ka jingtasngeng ka long kaba sniew bad kaba bieit.

ISAÏAH 59:13

Ngi la ïeng ïaleh pyrshah ïa me, kyntait ïa me, bad ngim treh ban bud ïa me. Ngi la banbeiñ ïa kiwei bad phai lyndet na me. Ki jingmut jong ngi ki long kiba bakla; ki ktien jong ngi ki long kiba lamler.

ISAÏAH 59:7

Borabor phi thmu ïa kaei kaei kaba sniew, bad phim lah ap ban leh ïa kata. Phim ju sngew ei ei ban pynïap ïa ki briew kiba lui lui; ka jingduh bad ka jingpynjot ki wan jia kat shaba phi leit.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

MATHAÏOS 20:15

Hato ngam don ka hok ban leh katba nga sngewbit ïa la ka jong ka pisa? Ne phi ïa-bishni namar ba nga long uba sbun?’ ”

MATHAÏOS 6:23

hynrei lada ki khmat jong phi kim long kiba bha, ka met jong phi kan don ha ka jingdum. Kumta lada ka jingshai hapoh jong phi ka long ka jingdum, katno kan long ka jingdum kaba shyrkhei eh!

MARKOS 7:21

Naba na shapoh, na ka dohnud u briew, ki wan ki jingmut basniew kiba ïalam ïa u ban leh ki kam awria, ban lute, ban pynïap,

MARKOS 7:23

baroh kine kiei kiei ki wan napoh u briew bad pynlong bymkhuid ïa u.”

2 KORINTH 10:5

Ngi pynïap nia ïa ki jingïatainia ba-thala; ngi pynduh ïa ka jingpynwit basngewmeng baroh ba la pynïeng pyrshah ïa kata ka jingtip U Blei; ngi shim ïa ka jingpyrkhat baroh bad pynkohnguh ïa ka ha U Khrist.

DEUTERONOMI 15:9

Wat kyntait ban ai kylliang ei ei ïa u, tang namar ba ka snem map ram ka la jan poi. Wat shah ba kum kata ka jingmut bymman kan rung ha phi. Lada phi kyntait ban ai kylliang, un sa kyang ha U Trai pyrshah ïa phi, te kan long pop ha phi.

DEUTERONOMI 28:54

Wat u briew uba jem tam ka dohnud uba wan na ka ïing kaba donburom, un poi ha ka kutlad ha ka por ba u shah kerkut, kat ban da bam ïa la ki khun namar ba um don kawei pat ka jait jingbam. Un ym ai ei ei wat ïa la u para ne ka tnga kaba u ieit ne ïa la ki khun kiba dang don bad u.

DEUTERONOMI 28:56

Wat ka kynthei kaba jem tam ka dohnud kaba wan na ka ïing kaba donburom, kaba riewspah katta katta katba kam donkam ban ïaid shano shano, kan leh kumjuh. Ynda u nongshun u kerkut ïa ka shnong jong ka, kan sa kyrduh jingbam kat ban da bam buhrieh wat ïa la i khun ba ka dang shu kha bad ïa iba la kha ruh. Kan ym ai ei ei ïa la u tnga uba ka ieit lane ïa la ki khun.

1 PETROS 2:15

Naba U Blei u kwah ïa phi ban pynsngap jar ïa ka jingkren khlem pyrkhat jong ki briew kiba bieit da ki kam babha ba phi leh.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”