MARKOS 6:6 - Khasi CL Bible (BSI)

⁶ U la sngewlyngngoh shikatdei, namar ki briew kim shym don jingngeit. Nangta U Jisu u la leit sha ki nongrit kiba don sawdong ha kata ka thain, u da hikai ïa ki briew.

KA BAIBL

⁶ U la sngewkyndit te namar ka jingbymngeit jong ki. Bad u la ïaid kylleng sawdong ïa ki nongrit, u da hikai.

MARKOS 6:6 ပူးပေါင်းရင်းမြစ်များ

ISAÏAH 59:16

U lyngngoh ban ïohi ba ym don mano mano ban ïarap ïa kiba shah banbeiñ. Kumta un pyndonkam ïa la ka jong ka bor ban pyllait im ïa ki bad wanrah ïa ka jingjop.

JEREMAÏAH 2:11

Ym don kano kano kawei pat ka jaitbynriew kaba kylla ïa la ki blei, wat la kim dei kiba shisha. Hynrei ki briew jong nga ki la bujli ïa nga, U Blei uba la wanrah ha ki ka jingpyndonburom, da ki blei ki bym lah ban leh ei ei ïa ki.

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MATHAÏOS 8:10

Haba U Jisu u la ïohsngew ïa kane, u la lyngngoh bad u la ong ha ki briew kiba bud ïa u, “Nga ong ha phi, ngam pat ju shem ïano ïano ha Israel lem bad ka jingngeit kaba kum kane.

MATHAÏOS 9:35

U Jisu u la leit jngoh kylleng ki nongbah bad ki nongrit. U la hikai ha ki synagog, u la ïalap ïa ka Khubor Babha shaphang ka Hima, bad u la pynkhiah ïa ki briew kiba don ki jingpang babun jait bad ki jingshitom.

MARKOS 1:39

Kumta u la leit sha baroh ki jaka ha Galilaïa, da kaba ïalap ha ki synagog bad beh noh ïa ki ksuid.

MARKOS 10:1

Nangta, U Jisu u la mihnoh na kata ka jaka, u la leit sha ka probins jong ka Judia, bad u la jam sha shiliang ka wah Jordan. Ki paidbah ki la ïalum biang ha u, bad u la hikai ïa ki, kumba u ju leh.

LOUKAS 13:22

U Jisu u la leit lyngba ki nongbah bad ki nongrit, u da hikai ïa ki briew bad u da thew ïa la ka lynti sha Jerusalem.

LOUKAS 4:31

Nangta, U Jisu u la leit sha Kapernam, ka shnong ha Galilaïa, ha kaba u la hikai ïa u paidbah ha ka sngi Sabbaton.

LOUKAS 4:44

Kumta u la ïalap ha ki synagog ha kylleng ka ri.

ÏOANNIS 9:30

Uta u briew u la jubab, “Kata te kaba da phylla! Phim tip nangno u wan, hynrei u la pynkoit ïa nga na ka jingmatlah jong nga!

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.