MARKOS 6:41 - Khasi CL Bible (BSI)

⁴¹ Nangta U Jisu u la shim ïa ki san tylli ki kpu bad ar tylli ki dohkha, u la khmied sha bneng, bad u la ainguh ïa U Blei. U la kdiah ïa ki kpu bad ai ïa ki ha ki synran jong u ban sam ha ki briew. U la ïasam ruh ïa ki ar tylli ki dohkha hapdeng jong ki baroh.

KA BAIBL

⁴¹ Haba u la shim te ïa kita san tylli ki kpu bad ïa kita ar tylli ki dohkha ruh, haba u la khmied sha bneng, u la nguh, bad u la kdiah ruh ïa ki kpu, bad u la ai ha ki synran jong u, ba kin buh ha khmat jong ki; bad ïa kita ki dohkha u la ïasam ha ki baroh.

MARKOS 6:41 ပူးပေါင်းရင်းမြစ်များ

MATHAÏOS 14:19

U la hukum ïa ki paidbah ban shong halor u phlang; nangta u la shim ïa ki san tylli ki kpu bad ïa ki ar tylli ki dohkha, u la khmied sha bneng, bad u la ainguh ïa U Blei. U la kdiah ïa ki kpu bad u la ai ïa ki ha ki synran, bad ki synran ki la ai ïa ki ha u paidbah.

MATHAÏOS 15:36

Nangta u la shim ïa ki hynñiew tylli ki kpu bad ki dohkha, u la ainguh ïa U Blei, u la kdiah ïa ki, bad u la ai ïa ki ha ki synran; bad ki synran ki la ai ïa ki ha u paidbah.

MATHAÏOS 26:26

Katba ki dang ïabam, U Jisu u la shim shi lyngkhot u kpu, u la duwai ainguh, u la kdiah ïa u, bad u la ai ïa u ha ki synran jong u. “To shim bad to bam ïa u,” u la ong; “une u long ka met jong nga.”

MARKOS 14:22

Katba ki dang ïabam, U Jisu u la shim ïa u kpu, u la duwai ainguh bad u la kdiah ïa u, bad u la ai ïa u ha ki synran jong u, “Shim ïa u, une u long ka met jong nga” u la ong.

MARKOS 6:40

Kumta ki briew ki la shong ha ki laiñ, ha ki kynhun bashispah ngut bad ki kynhun basanphew ngut.

MARKOS 6:42

Uwei pa uwei u la bam bad u la ïoh ha ban da biang.

MARKOS 7:34

Nangta U Jisu u la khmied sha bneng, U la ud jylliew, bad u la ong ha uta u briew, “Ephphatha.” Kaba mut, “To plie!”

MARKOS 8:19

Hato phim kynmaw mynba nga la kdiah ïa ki san tylli ki kpu na ka bynta ki san hajar ngut ki briew? Katno tukri kiba da ki lyngkhot kpu kiba sah tam kiba phi la ïalum?” “Khat-ar,” ki la jubab.

LOUKAS 24:30

U la shong bam bad ki, u la shim ïa u kpu, bad u la duwai; nangta u la kdiah ïa u kpu bad u la ai ïa u ha ki.

LOUKAS 9:16

U Jisu u la shim ïa ki san tylli ki kpu bad ar tylli ki dohkha, u la khmied sha bneng, u la ainguh ïa U Blei na ka bynta kita, u la kdiah ïa ki, bad u la ai ïa ki ha ki synran ban sam ha u paidbah.

ÏOANNIS 11:41

Ki la pyntyllun noh ïa uta u mawkhang. U Jisu u la khmied shajrong bad u la ong, “Nga ainguh ïa me, ko Kpa, ba me shahshkor ïa nga.

ÏOANNIS 17:1

Hadien ba U Jisu u la dep ong ïa kane, u la khmied sha bneng bad u la ong, “Ko Pa, ka kynta ka la poi. To ai ka burom ïa la U Khun, ba U Khun un ïoh ban ai ka burom ïa me.

ÏOANNIS 6:11

U Jisu u la shim ïa u kpu, u la ainguh ïa U Blei, bad u la sam ïa ki ha ki briew kiba la ïashong hangta. U la leh kumjuh ruh ïa ki dohkha, bad baroh ki la ïabam kat kaba ki kwah.

ÏOANNIS 6:23

Kiwei pat ki lieng, kiba na Tiberias, ki la wan poi ha ka ryngkew hajan ka jaka ha kaba ki paidbah ki la bam ïa u kpu hadien ba U Trai u la ainguh.

KI KAM 27:35

Ynda u la ong ïa kane, u Paul u la shim katto katne u kpu, u la ainguh ïa U Blei ha khmat jong ki baroh, u la kdiah ïa u, bad u la sdang ban bam.

Ka Shithi U Paul Sha Ki Nong Rom 14:6

Uno uno uba kheiñ kor bha ïa kano kano ka sngi, un leh kumta ha ka jingburom ïa U Trai, uno uno u ban bam ïa kaei kaei, un leh kumta ha ka jingburom ïa U Trai, namar u ainguh ïa U Blei na ka bynta kata ka jingbam. Uno uno uba kyntait ban bam ïa kino kino ki jingbam, un leh kumta ha ka jingburom ïa U Trai bad u ainguh sha U Blei.

1 KORINTH 10:31

Kumta, ha kaei kaei kaba phi leh, ha kaba bam ne ha kaba dih, to leh phi ïa kiei kiei baroh na ka bynta ka burom U Blei.

DEUTERONOMI 8:10

Phin ïoh bam kat ïa kaba phi kwah, bad phin ainguh ïa U Trai U Blei jong phi na ka bynta kata ka ri kaba seisoh ba u la ai ha phi.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.