MARKOS 6:34 - Khasi CL Bible (BSI)

³⁴ Haba U Jisu la hiar na ka lieng, u la ïohi ïa une u paidbah babun, bad ïa ka mynsiem jong u la pyndap da ka jingsngewsynei ïa ki, namar ki la long kum ki langbrot khlem u nongsharai. Kumta u la sdang ban hikai bun kiei kiei ïa ki.

KA BAIBL

³⁴ Haba U Jisu te u la mih noh, u la ïohi ïa u paidbah babun, bad u la sngewsynei ïa ki, naba ki long kum ki langbrot khlem u nongsharai; te u la sdang ban hikai bun kiei kiei ruh ïa ki.

MARKOS 6:34 ပူးပေါင်းရင်းမြစ်များ

1 SYIEM 22:17

U Mikaïah u jubab, “Nga ïohi ïa ka kynhun shipai jong ki Israel ba ki sakma ha ki lum kum ki langbrot khlem u nongsharai. Bad U Trai u ong, ‘Kine ki rangbah kim don nongïalam; ai kin leit phai noh sha ïing da kaba suk.’ ”

2 KHRONIKL 18:16

U Mikaïah u jubab, “Nga ïohi ïa ka kynhun shipai Israel ba la pynsakma halor ki lum kum ïa ki langbrot bym don nongsharai. Bad U Trai u ong, ‘Kine ki rangbah kim don nongïalam; ai ba kin leit phai noh sha la ïing ha ka jingsuk.’”

ISAÏAH 13:14

“Ki nongwei kiba shong ha Babilon kin phet krad sha la ki jong ki ri, ki da sakma kum ki skei kiba lait phet na ki nongbeh mrad, kum ki langbrot khlem u nongsharai.

JEREMAÏAH 50:6

“Ki briew jong nga ki long kum ki langbrot kiba ki nongap langbrot ki la shah ba kin jah noh ha ki lumbah. Ki la sakma kum ka langbrot na uwei u lum sha uwei pat, bad ki la klet hangno ka ïing jong ki ka don.

ESEKIEL 34:5

Namar ba ki langbrot kim don u nongsharai, ki la sakma noh, bad ki mradkhlaw ki pynïap bad bam ïa ki.

SEKHARAÏAH 10:2

Ki briew ki kylli ïa ki bleithaw bad ïa ki nongbatai kupar, hynrei ki jubab kiba ki ïoh ki long ki jinglamler bad ki bym don jingmut. Katto katne ki pyrshang ban batai ïa ki jingphohsniew, hynrei tang ban shu ïalam bakla ïa phi; ka jingpyntngen ba ki ai ka long ka bymmyntoi. Kumta ki briew ki sakma kylleng kum ka langbrot ba la jah. Ki don ha ka jingjynjar namar ba kim don u nongïalam.

JINGKHEIÑ 27:17

bad uba lah ban ai hukum ïa ki ha ka madan thma, khnang ba u paidlang jong me un ym long kum ki langbrot kiba khlem nongsharai.”

MATHAÏOS 14:14

U Jisu u la hiar na ka lieng, bad haba u la ïohi ïa u paidbah babun, ïa ka dohnud jong u la pyndap da ka jingisynei ïa ki, bad u la pynkhiah ïa kito kiba la pang.

MATHAÏOS 15:32

U Jisu u la khot ïa la ki synran sha lade bad u la ong, “Nga isynei ïa kine ki briew, namar ki la ïadon bad nga la lai sngi bad mynta kim don ei ei ban bam. Ngam kwah ban phah noh ïa ki khlem da bsa ïa ki, naba ki lah ban ïapler ha ka lynti jong ki sha la ïing.”

MATHAÏOS 9:36

Haba u la ïohi ïa ki paidbah, la pyndap ïa ka dohnud jong u da ka jingsngewsynei na ka bynta jong ki, namar ki la khuslai bad kim lah ban leh ei ei, kum ki langbrot khlem u nongsharai.

MARKOS 6:33

Kumno re kumno, la don bun ki briew kiba la ïohi ïa ki ba ki leit bad ki la tip shisyndon ba ki long kiei; kumta ki la ïaleit na baroh ki shnong bad mareh na ryngkew bad ki la poi ha ka jaka shuwa ïa U Jisu bad ki synran.

MARKOS 6:35

Haba ka sngi ka la sdang noh, ki synran ki la wan ha u bad ki la ong, “Ka por ka dier palat, bad kane ka dei ka jaka kynjah.

MARKOS 8:1

Ym slem hadien, u paidbah uba bun u la ïawanlang. Haba ki briew kim don ei ei shuh ban bam, U Jisu u la khot ïa ki synran sha u bad u la ong,

MARKOS 8:2

“Nga sngewsynei ïa kine ki briew, namar ki la don bad nga la lai sngi bad mynta kim don ei ei shuh ban bam.

LOUKAS 9:11

Haba ki paidbah ki la ïohsngew shaphang kata, ki la bud ïa u. U la pdiang sngewbha ïa ki, u la kren ha ki shaphang ka Hima U Blei, bad u la pynkhiah ïa kito kiba donkam ïa ka.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.