MARKOS 6:2 - Khasi CL Bible (BSI)

² Ha ka sngi Sabbaton u la sdang ban hikai ha ka synagog. Bun ki briew ki la don hangta; bad haba ki la ïohsngew ïa u, baroh ki la sngewlyngngoh. “Nangno u la ïoh ïa kane baroh?” ki la kylli. “Ka jingstad aïu kane ba la ai ha u? Kumno u leh ïa ki kambah?

KA BAIBL

² Te haba la poi ka Sabbaton, u la sdang ban hikai ha ka synagog: te bun haba ki ïohsngew ki la sngewkyndit, ki da ong, “Nangno une u la ïoh ïa kine kiei kiei ruh?” bad “Kaba kumno kane ka jingstad kaba la ai ha une u briew, bad ki kambah kat kine ba la leh da ki kti jong u?

MARKOS 6:2 ပူးပေါင်းရင်းမြစ်များ

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MATHAÏOS 7:28

Haba U Jisu u la dep kren ïa kine kiei kiei, u paidbah u la sngewphylla ïa ka rukom kaba u la hikai.

MARKOS 1:39

Kumta u la leit sha baroh ki jaka ha Galilaïa, da kaba ïalap ha ki synagog bad beh noh ïa ki ksuid.

MARKOS 10:1

Nangta, U Jisu u la mihnoh na kata ka jaka, u la leit sha ka probins jong ka Judia, bad u la jam sha shiliang ka wah Jordan. Ki paidbah ki la ïalum biang ha u, bad u la hikai ïa ki, kumba u ju leh.

LOUKAS 2:47

Baroh kiba la ïohsngew ïa u ki la sngewlyngngoh ïa ki jingjubab bastad jong u.

LOUKAS 4:15

U la hikai ha ki synagog bad uwei pa uwei u la ïaroh ïa u.

ÏOANNIS 6:42

Kumta ki la ong, “Hato une u briew um dei U Jisu, u khun jong u Joseph? Ngi ithuh ïa u kpa bad ïa ka kmie jong u. Kumno te, ba u ong mynta ba u la wan hiar na bneng?”

ÏOANNIS 7:15

Ki nongsynshar jong ki Jiw ki la lyngngoh haduh katta katta bad ki la ong, “Kumno une u briew u tip katne katne haba um pat ju ïoh jinghikai ei ei?”