MARKOS 6:15 - Khasi CL Bible (BSI)

¹⁵ Kiwei pat, ki la ong, “U dei u Elijah.” Kiwei ki ong, “U dei u Nong ïathuhlypa, kum uwei na ki Nongïathuhlypa jong ki por ba-mynshuwa.”

KA BAIBL

¹⁵ Kiwei te ki la ong, “U long u Elias”, kiwei pat te ki la ong, “U long u nongïathuhlypa”, ne kum uwei na ki nongïathuhlypa.

MARKOS 6:15 ပူးပေါင်းရင်းမြစ်များ

MALAKHI 4:5

“Hynrei ha shuwa ka sngi kaba khraw bad kaba shyrkhei jong U Trai kan wan, ngan phah ha phi ïa u Elijah u nongïathuhlypa.

MATHAÏOS 16:14

“Katto katne ki ong u Ïoannis u Nongpynbaptis,” ki la jubab. “Kiwei pat ki ong u Elijah, katba kiwei pat ki ong u Jeremaïah lane uwei pat u nongïathuhlypa.”

MATHAÏOS 21:11

“Une u long uta U Jisu u nongïathuhlypa, uba na Nasareth ha Galilaïa,” ki paidbah ki la jubab.

MARKOS 6:16

Haba u Herod u la ïohsngew ïa kata, u la ong, “U dei u Ïoannis u Nongpynbaptis! Nga la phah khrai ïa ka khlieh jong u, hynrei u la im pat!”

MARKOS 8:28

“Katto katne ngut ki ong ba me long u Ïoannis u Nongpynbaptis,” ki la jubab; “kiwei pat ki ong ba me long u Elijah, katba kiwei pat ki ong ba me long uwei na ki nongïathuhlypa.”

LOUKAS 1:17

Un leit ha shuwa jong U Trai, uba khlaiñ bad uba khrawbor kum u Elijah u nongïathuhlypa. Un pynïasuk pat ïa ki kpa bad ki khun; un pynphai pat ïa ki briew ki bymkohnguh sha ka rukom pyrkhat jong kiba hok; un pynkhreh ïa ki briew jong U Trai na ka bynta jong U.”

LOUKAS 7:16

La pyndap ïa ki baroh da ka jingsheptieng bad ki la ïaroh ïa U Blei. “U nongïathuhlypa uba khraw u la mihpaw hapdeng jong ngi!” ki la ong; “U Blei u la wan ban pynim ïa ki briew jong u!”

LOUKAS 7:39

Haba u Pharisi u la ïohi ïa kane, u la ong ha lade, “Lada une u briew u dei shisha u nongïathuhlypa, un da la tip kaba kumno kane ka briew ka long kaba ktah ïa u; un da la tip ka jait jingim bapop kaba kumno ka la im!”

LOUKAS 9:19

“Katto katne ngut ki ong ba me dei u Ïoannis u Nongpynbaptis,” ki la jubab. “Kiwei pat ki ong ba me dei u Elijah, katba kiwei pat ki ong ba me dei uwei na ki nongïathuhlypa na mynbarim uba la mihpat.”

LOUKAS 9:8

Kiwei pat ki la ong ba u Elijah u la mihpaw, bad sa kiwei pat ki ong ba uwei na ki nongïathuhlypa na mynbarim u la mihpat.

ÏOANNIS 1:21

“Te, me dei uei?” ki la kylli, “Hato me dei u Elijah?” “Em, ngam dei,” u Ïoannis u la jubab. “Hato me dei u nongïathuhlypa?” ki la kylli. “Em,” u la jubab.

ÏOANNIS 6:14

Haba ki paidbah ki la ïohi ïa kane ka kambah kaba U Jisu u la leh, ki la ong, “Da shisha une u long u nongïathuhlypa, uba la dei ban wan sha ka pyrthei!”

ÏOANNIS 7:40

Katto katne ngut na ki briew ha uta u paidbah ki la ïohsngew ïa u ba u ong ïa kane bad ki la ong, “Une u briew u dei da shisha u nongïathuhlypa.”

ÏOANNIS 9:17

Kumta ki Pharisi ki la kylli ïa uta u briew sa shisien, “Me ong u la pynkoit ïa me na ka jingmatlah jong me — haba kumta, me ong aïu shaphang jong u?” “U dei u nongïathuhlypa,” uta u briew u la jubab.