MARKOS 5:41 - Khasi CL Bible (BSI)

⁴¹ U la shim ïa ka na ka kti bad u la ong ïa ka, “Talitha, koum,” kaba mut, “Ko Khynnah rit, nga ong ïa pha ban khie joit!”

KA BAIBL

⁴¹ Te haba U la bat na ka kti ïa kata ka khynnah, U ong ha ka, “Talitha kumi;” kaba, haba la batai, ka long, “Ko khynnah, nga ong ha pha, to ïeng”.

MARKOS 5:41 ပူးပေါင်းရင်းမြစ်များ

JENESIS 1:3

Nangta U Blei u la hukum, “To long ka jingshai” — bad ka jingshai ka la long.

SALM 33:9

Haba u la kren, ïa ka pyrthei la pynlong; ha ka hukum jong u baroh ka la paw.

MARKOS 1:31

U la leit sha ka, u la shim ïa ka na ka kti, bad u la khyllie ïa ka. Ka jingshit ka la iehnoh ïa ka, bad ka la sdang ban shakri ïa ki.

MARKOS 1:41

U Jisu u la dap da ka jingsngewsynei bad u la kner ïa la ka kti bad u la ktah ïa u. “Nga mon,” u la jubab. “To long khuid!”

MARKOS 5:40

Ki la ïa-rkhie ïa u, kumta u la phah noh ïa ki baroh shabar, u la shim ïa u kpa bad ïa ka kmie jong ka, bad ki lai ngut ki synran jong u, bad rung shapoh ka kamra ha kaba ka khynnah ka thiah.

MARKOS 5:42

Mar kumta hi ka la khie bad ka la sdang ban ïaid shane shatai. (Ka la don khat-ar snem ka rta.) Haba kane ka la jia, ki la lyngngoh shikatdei eh.

Ka Shithi U Paul Sha Ki Nong Rom 4:17

kumba ka Jingthoh Bakhuid ka ong, “Nga la pynlong ïa me u kpa jong ki jaitbynriew babun.” Kumta ka jingkular ka long kaba bha ha khmat U Blei, ha uba u Abraham u la ngeit — U Blei uba wallam ïa kiba la ïap sha ka jingim bad uba ka hukum jong u ka pynlong ïa kaei ka bym shym la don.

PHILIPPI 3:21

U ban pynkylla ïa ki met batlot jong ngi bad pynlong ïa ki kum ka met ba-dap da ka burom jong u hi, da kata ka bor da kaba u lah ban wallam ïa kiei kiei baroh hapoh ka jingsynshar jong u.