MARKOS 5:35 - Khasi CL Bible (BSI)

³⁵ Katba U Jisu u dang kren ïa kane, katto katne ngut ki nonglamktien ki la wan na ka ïing jong u Jairos bad ki la ong ïa u, “Ka khun jong phi ka la lah ïap. Balei phin pynshitom shuh ïa U Nonghikai?”

KA BAIBL

³⁵ Haba U dang kren, la wan kiba na ka ïing uta u rangbah synagog, ki da ong, “Ka khun jong me ka la ïap; balei men pynshitom shuh ïa U Nonghikai?”

MARKOS 5:35 ပူးပေါင်းရင်းမြစ်များ

MATHAÏOS 26:10

U Jisu u la tip ïa kaei kaba ki ïakren, kumta u la ong ha ki, “Balei ba phi pynsalia ïa kane ka briew? Ka long kaei kaei kaba biang bad kaba itynnat ba ka la leh na ka bynta jong nga.

MATHAÏOS 26:18

“To khie leit sha uwei u briew ha ka nongbah,” u la ong ïa ki, “bad ïathuh ha u: ‘U Nonghikai u ong, ka por jong nga ka la poi; ki synran jong nga bad ma nga ngin rakhe ïa ka Jingkhawai Niam Ka Jinglait ha ïing jong me!’ ”

MATHAÏOS 9:18

Katba U Jisu u dang kren ïa kane, u rangbah synshar ki Jiw u la wan sha U, u la dem khohsiew ha khmat jong u, bad u la ong, “Ka khun jong nga ka dang shu ïap; hynrei wan ban buh ïa ki kti jong me halor jong ka, bad kan im pat.”

MARKOS 10:17

Katba U Jisu u la sdang biang ha ka jingïaid lynti jong u, uwei u briew u la wan mareh, u la dem khohsiew ha khmat jong u, bad u la ong ïa u, “Ko Nonghikai Babha, kaei kaba nga dei ban leh ban ïoh ïa ka jingim bymjukut?”

MARKOS 5:22

U Jairos, u rangbah synshar ka synagog hangta, u la wan poi, bad haba u la ïohi ïa U Jisu, u la dem ha ki kjat jong u,

LOUKAS 8:49

Katba U Jisu u dang kren ïa kane, u nonglamktien u la wan na ka ïing u rangbah synshar. “Ka khun jong me ka la ïap,” u la ong ha u Jairos; “wat pynshitom shuh ïa u nonghikai.”

ÏOANNIS 11:21

Ka Martha ka la ong ïa U Jisu, “Lada men jin da la don hangne, ko Trai, u para jong nga un ym jin da la ïap!

ÏOANNIS 11:25

U Jisu u la ong ha ka, “Nga long ka jingmihpat bad ka jingim. Uno uno uba ngeit ha nga un im, wat la u la ïap; un ïoh im, bad uno uno uba im, bad uba ngeit ha nga un ym ïap lano lano ruh.

ÏOANNIS 11:28

Hadien ba ka Martha ka la ong ïa kane, ka la leit noh bad ka la khot jar jar ïa ka Mari ka para jong ka, “U Nonghikai u don hangne,” ka la ïathuh ïa ka, “bad u phah khot ïa pha.”

ÏOANNIS 11:32

Ka Mari ka la poi ha ka jaka ha kaba U Jisu u la don, bad mar ïa-ïohi ïa u, ka la dem khrup ha ki kjat jong u. “Ko Trai,” ka la ong, “lada men jin da la don hangne, u para jong nga un ym jin da la ïap!”

ÏOANNIS 11:39

“Pyntyllun noh ïa u mawkhang!” U Jisu u la hukum. Ka Martha, ka hynmen uta uba la ïap, ka la jubab, “Kan sa don ka jingsma iwtung, ko Trai. La lah tep ïa u la saw sngi.”

ÏOANNIS 5:25

Nga ong ha phi ïa ka jingshisha: Ba ka por kan poi — ka por ka la lah poi — haba kiba ïap kin ïohsngew ïa ka sur jong U Khun U Blei, bad kito kiba ïohsngew ïa ka kin ïoh im.