MARKOS 5:34 - Khasi CL Bible (BSI)

³⁴ U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk, bad to long kaba la khiah na ka jingshitom jong pha.”

KA BAIBL

³⁴ U la ong te ha ka, “Ko khun, ka jingngeit jong pha ka la pynkhiah ïa pha; to khie leit ha kaba suk, bad to long kaba la khiah bha na ka jingpang shitom jong pha.”

MARKOS 5:34 ပူးပေါင်းရင်းမြစ်များ

2 SYIEM 5:19

“Khie leit suk leit saiñ,” u Elisha u ong. Bad u Naaman u leit noh. U la leit dang khyndiat ka jingjngai,

EKLESIASTIS 9:7

To leh — bam ïa ka jingbam jong phi bad long uba kmen; dih ïa ka waiñ jong phi bad to long kiba dap da ka jingkmen. Ka long kaba biang bad U Blei.

LEBITIKOS 14:48

“Lada, haba u lyngdoh u la wan khmih bha, bad u ïohi ba kata ka jingbthuh kam shym paw shuh hadien ba la ñiad astor biang, u dei ban pynbna ba kata ka ïing ka long kaba khuid, namar ba kata ka jingbthuh ka la jah lut.

MATHAÏOS 9:2

ha kaba katto katne ki briew ki la wallam sha u ïa u briew uba ïapshiliang, uba thiah ha ka jingthiah. Haba U Jisu u la ïohi haduh katno ka jingngeit ki don, u la ong ha u briew uba ïapshiliang, “To long shlur, ko khun jong nga! Ïa ki pop jong me la map.”

MATHAÏOS 9:22

U Jisu u la phai sawdong bad u la ïohi ïa ka, bad u la ong, “To long shlur, ko ka khun jong nga! Ka jingngeit jong pha ka la pynkoit ïa pha.” Ha kata ka khyllipmat ka kynthei ka la koit.

MARKOS 10:52

“Khie leit,” U Jisu u ong ïa u, “ka jingngeit jong me ka la pynkhiah ïa me.” Mar kumta hi u la lah ban ïohi bad u la bud ïa U Jisu ha ka lynti.

MARKOS 3:10

U la lah pynkhiah ïa kiba bun ki briew, bad baroh kito kiba pang ki la ïai kyntur sha u khnang ba ïohktah ïa u.

MARKOS 5:29

Ka la ktah ïa ka jaiñkup jong u, bad ka jingmihsnam jong ka, ka la sangeh shisyndon; bad ka la don ka jingsngewthuh hapoh jong ka ba ka ïohkhiah na ka jingshitom jong ka.

MARKOS 5:33

Kata ka briew ka la sngewthuh ïa kaei kaba la jia ïa ka, kumta ka la wan, ka da kyiuh da ka jingsheptieng, ka la dem khohsiew ha ki kjat jong u, bad ka la ïathuh ha u ïa ka jingshisha baroh.

LOUKAS 17:19

Bad U Jisu u la ong ha u, “To khie joit bad leit; ka jingngeit jong me ka la pynkhiah ïa me.”

LOUKAS 18:42

U Jisu u la ong ha u, “Te, to peit! Ka jingngeit jong me ka la pynkhiah ïa me.”

LOUKAS 7:50

Hynrei U Jisu u la ong ha kata ka briew, “Ka jingngeit jong pha ka la pynim ïa pha; khie leit ha kaba suk.”

LOUKAS 8:48

U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk.”

KI KAM 14:9

U la shong hangta bad u la pynshahshkor ïa ki ktien jong u Paul. U Paul u la ïohi ba u la ngeit bad ba u lah ban ïohkhiah, kumta u la khmih shlip sha u bad u la ong ha ka sur kaba jam,

KI KAM 15:33

Hadien ba ki la pynlut katto katne por hangta, la phah noh ïa ki ha kaba suk da ki parabangeit bad ki la leit phai pat sha kito kiba la phah ïa ki.

KI KAM 16:36

Kumta u nongpeit phatok u la ïathuh ha u Paul, “Ki rangbah synshar ki la phah ka hukum ban pyllait noh ïa me bad ïa u Silas. Te phi lah ban mihnoh, bad leit ha kaba suk.”

JAKOB 2:16

Kan myntoi aïu da kaba ong ha ki, “U Blei un kyrkhu ïa phi! To phong syaid bad to bam bha!” — lada phim ai ha ki ïa ki jingdonkam jong ka jingim?

1 SAMUEL 1:17

“Khie leit ha kaba suk,” u Eli u ong, “bad to U Blei ki Israel un ai ha pha ïa kata kaba pha pan na u.”

1 SAMUEL 20:42

Nangta u Jonathan u ong ha u Dabid, “U Blei un don ryngkat bad phi. U Trai un pynthikna ba ma nga bad ma phi, bad kiba hiarpateng na phi bad kiba hiarpateng na nga, kin bat ïa ka kular bakyntang kaba ngi la pynlong iwei ïa iwei.” Nangta u Dabid u leit noh, bad u Jonathan u leit phai pat sha shnong.