MARKOS 4:6 - Khasi CL Bible (BSI)

⁶ Te haba ka sngi ka la shit, ka la thang noh ïa ki jingthung ba dang lung; bad namar ba ki thied kim da ngam jylliew bha, ki jingthung shen ki tyrkhong noh.

KA BAIBL

⁶ haba ka la ïeng ka sngi, te u la shit tyrkhong eh; bad naba um don thied, u la ïap ryngkhiang:

MARKOS 4:6 ပူးပေါင်းရင်းမြစ်များ

JINGRWAI SOLOMON 1:6

Wat khmih beiñ ïa nga namar ka rong sniehdoh jong nga, namar ba ka sngi ka la pynkylla rong ïa nga. Ki shynrang kiba shi para bad nga ki bitar ïa nga bad ki pyntrei ïa nga ha ka bri sohwaiñ. Ngam don por ban sumar ïa lade.

ISAÏAH 25:4

Kiba duk bad ki bym don jingïarap ki phet sha me bad ki shongshngain ha ki por ka jingjynjar. Me ai jakarieh ïa ki na ki 'erïong bad ka jakarieh tngen na ka jingshit kyr-ang. Ki riewrunar ki tur ïaleh kum ka 'erïong tlang,

JONAH 4:8

Hadien ba ka sngi ka la mih, U Blei u la phah ïa ka lyer mihngi kaba shit, bad u Jonah u la jan ïapler na ka jingshit jong ka sngi kaba shoh halor ka khlieh jong u. Kumta u la kwah ban ïap noh. “Ka kham bha ïa nga ban ïap noh ban ïa kaba im,” u la ong.

MATHAÏOS 13:6

Hynrei haba ka sngi ka la mih, ka thang ïa ki jingthung ba dang lung; bad namar ba ki thied kim da ngam jylliew bha, shen ki jingthung ki la ïap tyrkhong.

MARKOS 4:5

Katto katne na u, u la hap ha ka khyndew ba long maw, ha ka jaka ba duna khyndew. Tang katto katne por ki symbai ki la shylluit, namar ka khyndew kam da jylliew.

MARKOS 4:7

Katto katne na u symbai u la hap hapdeng ki bniap shiah, kiba mih bad kiba la kjap noh ïa ki jingthung, bad kim shym la pynmih kew ei ei.

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

KOLOSSAI 2:7

Pynngam jylliew ïa ki nongrim jong phi ha u, to tei ïa ka jingim jong phi halor jong u, bad to nang kham khlaiñ ha ka jingngeit jong phi, kumba la hikai ïa phi. Bad to long kiba la pyndap da ka jingainguh.

2 THESSALONI 2:10

bad un pyndonkam ïa kawei pa kawei ka jingshukor bymman ha kito ki ban sa jot noh. Kin jot noh namar ba kim pdiang sngewbha bad ieit ïa ka jingshisha khnang ba kin ïoh im.

JAKOB 1:11

Ka sngi ka mih lem bad ka jingshit kyr-ang bad ka thang ïa u jingthung; u syntiew jong u, u hap noh, bad ka jingitynnat jong u ka jah noh. Ha kajuh ka rukom ïa uba riewspah yn pynjot noh katba u dang don ha ka kam jong u ba u trei.

JUDAH 1:12

Da ki jingkhroh bym don jinglehrain, ki long ka jingthohbria ha ki jingkhawai ïasyllok jong phi. Ki kitkhia tang na ka bynta ïa lade. Ki long kum ki lyoh ba rah ka lyer, hynrei khlem wanrah slap. Ki long kum ki dieng ba khlem soh, wat ha ka synrai, ki dieng ba la rat naduh ki thied bad kiba la ïap noh.

JINGPYNPAW 7:16

Lano lano ruh kin ym thngan ne kin ym sliang; ka sngi lymne ka jingshit kyr-ang kan ym thang ïa ki, namar U Khunlangbrot, uba don hapdeng jong ka khet, un long u nongaplangbrot jong ki, bad un ïalam ïa ki sha ki umpohliew jong ka um ba ai jingim. Bad U Blei un ñiad noh ïa ki ummat baroh na ki khmat jong ki.”