MARKOS 4:34 - Khasi CL Bible (BSI)

³⁴ Um kren ha ki khlem pyndonkam da ki pharshi, hynrei haba u don tang bad ki synran, u batai ïa kiei kiei baroh ha ki.

KA BAIBL

³⁴ Bad khlem ka pharshi, um shym la kren ha ki: te haba kyrpang hi u la ju pynpaw ïa kiei kiei baroh ha ki synran jong u.

MARKOS 4:34 ပူးပေါင်းရင်းမြစ်များ

MATHAÏOS 13:34

U Jisu u la pyndonkam ïa ki pharshi ban ïathuh ïa kine kiei kiei baroh ha ki paidbah; um ju ong ïa kano kano ha ki khlem da pyndonkam ïa ka pharshi.

MARKOS 4:10

Mynba U Jisu u don marwei, katto katne ngut na kito kiba la ïohsngew ïa u ki la wan sha u ryngkat bad ki khat-ar ngut ki synran bad ki la kylli ïa u ban batai ïa ki pharshi.

MARKOS 4:33

U Jisu u la ïalap ïa ka khubor jong u ha ki briew, u da pyndonkam shibun kiwei pat ki pharshi kum kine; u la ïathuh shibun ïa ki kat kaba ki lah ban sngewthuh.

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

ÏOANNIS 10:6

U Jisu u la ïathuh ha ki ïa kane ka pharshi, hynrei kim shemphang ïa kaei kaba u la mut.

ÏOANNIS 16:25

“Nga la pyndonkam da ki rukom kren bapher ban ïathuh ïa phi ïa kine kiei kiei. Hynrei ka por kan poi haba ngan ym pyndonkam ïa ki rukom kren bapher, hynrei ngan kren ha phi da kaba shai kdar shaphang U Kpa.

KI KAM 28:23

Kumta ki la buh sngi bad u Paul, bad kham bun na ki, ki la ïawan ha kata ka sngi ha ka jaka ha kaba u Paul u la sah. Naduh mynstep haduh da miet u la batai ha ki ïa ka khubor jong u shaphang ka Hima U Blei, bad u la pyrshang ban pynngeit ïa ki shaphang U Jisu da kaba sot na ka Hukum u Moses bad na ki jingthoh jong ki nongïathuhlypa.