MARKOS 4:12 - Khasi CL Bible (BSI)

¹² khnang ba, “ ‘Kin khmih bad ïai khmih, pynban kin ym ïohi; Kin sngap bad ïai sngap, pynban kin ym sngewthuh. Namar lada ki ïohi lane sngewthuh, kin phai sha U Blei, bad un map ïa ki.’ ”

KA BAIBL

¹² “ ‘Ba ïa kaba ki ïohi kin ïohi, te kin ym ishemphang shuh; bad ïa kaba ki ïohsngew kin ïohsngew, te kin ym sngewthuh shuh; ba ïoh kumta kin kylla, bad yn map ïa ki.’ ”

MARKOS 4:12 ပူးပေါင်းရင်းမြစ်များ

ISAÏAH 43:8

U Blei u ong, “Khot hajir ïa ki briew jong nga sha ïingbishar. Ki don ki khmat hynrei ki long kiba matlah; ki don ki shkor hynrei ki long kiba kyllut!

ISAÏAH 44:18

Kum kita ki briew ki long kiba bieit eh ban tip ïa kaei kaba ki leh. Ki khapbrip ïa la ki khmat bad ïa la ki jingmut na ka jingshisha.

JEREMAÏAH 36:3

Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

JEREMAÏAH 5:21

To pynshahshkor, phi ki briew kiba bieit bad ba-mutlop, kiba don ki khmat, hynrei ki bym lah ïohi, bad kiba don ki shkor, hynrei ki bym lah ïohsngew.

ESEKIEL 12:2

“Ko khun u briew,” u ong, “me im hapdeng ki briew kiba ïeng ïaleh pyrshah. Ki don ki khmat, hynrei kim ïohi ei ei; ki don ki shkor, hynrei kim ïohsngew ei ei, namar ki long kiba ïaleh pyrshah.

MARKOS 8:18

Phi don ki khmat — hato phim lah ban ïohi? Phi don ki shkor — hato phim lah ban ïohsngew?

LOUKAS 8:10

bad u la jubab, “Ïa ka jingtip ïa kiba rieh jong ka Hima U Blei la ai ha phi, hynrei ha kiwei pat ka wan ha ki pharshi, khnang ba ki lah ban peit hynrei kim ïohi, bad shahshkor hynrei kim shemphang.

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

DEUTERONOMI 29:4

Hynrei haduh kane ka sngi um pat shym la ai ha phi ban shemphang ïa kaei kaba phi la mad.

2 TIMOTHI 2:25

Me dei ban long uba lehsbun ïa baroh, u nonghikai uba bha bad ba-ïaishah, uba jemnud ha kaba pynbeit ïa ki nongïaleh pyrshah jong me, naba ka lah ban long ba U Blei un ai ha ki ïa ka lad ba kin kylla-kaba-mut bad wan sha ka jingtip ïa ka jingshisha.

HEBRU 6:6

Bad hadien kata ki la iehnoh ïa la ka jingngeit! Ka long ka bym lah long ban ïalam pat ïa ki ban kylla-kaba-mut biang, namar ki la sahnarphna biang ïa U Khun U Blei bad pynlehrain ïa u ha khmat ka pyrthei.