MARKOS 4:11 - Khasi CL Bible (BSI)

¹¹ “Ha phi la ai ïa ka jingmaïan jong ka Hima U Blei,” U Jisu u la jubab. “Hynrei kiwei pat, kiba long shabar, ki ïohsngew ïa kiei kiei baroh lyngba ki pharshi,

KA BAIBL

¹¹ U la ong te ha ki, “Ha phi keiñ, la ai ban tip ïa ka maïan ka hima U Blei: hynrei, ha kita kiba shabar, ïa kiei kiei baroh yn leh keiñ, ha ki pharshi:

MARKOS 4:11 ပူးပေါင်းရင်းမြစ်များ

MATHAÏOS 11:25

Ha kata ka por U Jisu u la ong, “Ko Kpa, U Trai ka bneng bad ka pyrthei! Nga ainguh ïa me namar ba me la pyn-i ha ki bymstad ïa kaei kaba me la buhrieh na kiba stad bad kiba la ïoh jinghikai.

MATHAÏOS 13:16

“Na ka bynta jong phi, katno kiba donbok phi long! Ki khmat jong phi ki ïohi bad ki shkor jong phi ki ïohsngew.

MATHAÏOS 16:17

“Kaba bha ïa me, ko Simon u khun jong u Jonah!” la jubab U Jisu. “Naba kane ka jingshisha kam shym la wan ha me na uno uno u briew, hynrei la ai ïa ka ha me beit beit da U Kpa jong nga uba ha bneng.

MARKOS 3:23

Kumta U Jisu u la khot ïa ki ha u bad u la kren ïa ki ha ki pharshi: “Kumno u Soitan u lah ban beh noh ïa u Soitan?

MARKOS 4:10

Mynba U Jisu u don marwei, katto katne ngut na kito kiba la ïohsngew ïa u ki la wan sha u ryngkat bad ki khat-ar ngut ki synran bad ki la kylli ïa u ban batai ïa ki pharshi.

MARKOS 4:2

U la pyndonkam da ki pharshi ban hikai shibun kiei kiei ïa ki, da kaba ong ha ki:

LOUKAS 8:10

bad u la jubab, “Ïa ka jingtip ïa kiba rieh jong ka Hima U Blei la ai ha phi, hynrei ha kiwei pat ka wan ha ki pharshi, khnang ba ki lah ban peit hynrei kim ïohi, bad shahshkor hynrei kim shemphang.

1 KORINTH 4:7

Uei uba pynlong ïa phi ban sngew kham halor ïa kiwei pat? Hato ym dei U Blei uba la ai ha phi baroh kaba phi don? Kumta, te, kumno phi lah ban sngewsarong, kumba kaei kaba phi don, kam dei ka jingai sngewbha?

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

EPHESOS 1:9

U Blei u la leh ïa kata ha ka jingstad bad jingïohi jong u baroh ïa kaei kaba u la thmu, bad u la pynpaw shynna ha ngi ïa ka jingthmu ba la buhrieh ïa kaba u la lah thmu lypa ban pyndep da U Khrist.

KOLOSSAI 4:5

To long kiba stad ha ka rukom kaba phi leh ïa kiwei ki bym pat ngeit, da kaba pyndonkam ha ka rukom kaba dei ïa kawei pa kawei ka kabu kaba phi ïoh.

1 THESSALONI 4:12

Ha kane ka rukom, phin ïoh ïa ka jingñiewkor jong kito ki bym pat ngeit, bad phim donkam ban shaniah hano hano na ka bynta kaei kaba phi donkam.

1 TIMOTHI 3:7

U dei ban long u briew ïa uba la ñiewburom da ki briew kiba shabar ka balang, khnang ba un ym jahburom bad hap ha ka jingriam u Ksuid.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.