MARKOS 3:5 - Khasi CL Bible (BSI)

⁵ U Jisu u la bitar katba u la peit sawdong ïa ki, hynrei ha ka kajuh ka por u la sngewsih na ka bynta jong ki, namar ba ki eh mynsiem bad leh bymdei. Te u la ong ha uta u briew, “Rah ïa la ka kti.” U la rah ïa ka, bad ka la khiah bha pat.

KA BAIBL

⁵ Te ynda U la khmih sawdong ha ki da ka jingbitar, ba U da sngewsih namar kaba eh ka dohnud jong ki, U ong ha uta u briew, “To kner noh ïa la ka kti.” Te u la kner noh, bad la pynkhiah bha ïa kata ka kti jong u.

MARKOS 3:5 ပူးပေါင်းရင်းမြစ်များ

JENESIS 6:6

u la sngewsih ba u lah thaw bad buh ïa ki ha ka pyrthei.

1 SYIEM 13:6

U Syiem Jeroboam u ong ha u nongïathuhlypa, “Sngewbha duwai na ka bynta jong nga ha U Trai U Blei jong phi, bad kyrpad ba un pynkhiah ïa ka kti jong nga!” U nongïathuhlypa u la duwai ha U Trai, bad la pynkhiah ïa ka kti jong u syiem.

NEHEMAÏAH 13:8

Nga la bitar bad nga bret baroh shabar ïa ki tiar ki tar u Tobiah.

SALM 95:10

Jin haduh sawphew snem nga la ijli ïa kito ki briew. Nga la ong, ‘Haduh katno ki long kiba shetkylla! Ki kyntait ban kohnguh ïa ki hukum jong nga.’

MATHAÏOS 12:13

Nangta u la ong ha u briew uba don ka kti kaba la ïapshiliang, “To kner shabar ïa la ka kti.” U la kner shabar ïa ka bad ka la kylla bha pat, kumba long kata kawei pat.

MARKOS 3:4

Nangta u la kylli ïa ki briew, “Kaei kaba ka Hukum jong ngi ka shah ïa ngi ban leh ha ka sngi Sabbaton? Ban ïarap lane ban pynsniew? Ban pynim ïa ka jingim u briew lane ban pynjot ïa ka?” Hynrei kim shym la ong ei ei.

LOUKAS 13:15

U Trai u la jubab ïa u, “Me uba arsap! Uno uno na phi un law ïa la u masi dab lane ïa la ka kada na ka sem bad ïalam shabar ban ai um ha ka sngi Sabbaton.

LOUKAS 17:14

U Jisu u la ïohi ïa ki bad u la ong ha ki, “Khie leit bad ai ba ki lyngdoh kin da khmih bniah ïa phi.” Ha lynti la pynkhuid ïa ki.

LOUKAS 6:10

U la khmih sawdong jong ki baroh; nangta U la ong ha uta u briew, “To kner ïa ka kti jong me.” U la leh kumta, bad ka kti jong u ka la bha pat.

ÏOANNIS 9:7

“To khie leit bad bta ïa ka khmat jong me ha ka Pung Siloam.” (Kane ka kyrteng ka mut “Ba la phah.”) Kumta uta u briew u la leit, u la bta ïa la ka khmat, bad u la wan phai uba imat pat.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

2 KORINTH 3:14

Ki jingmut jong ki, da shisha, ki long kiba la set khop; bad haduh kane ka sngi ki jingmut jong ki, ki dang long kiba la tap da kata kajuh ka jingkah haba ki pule ïa ki kitab jong ka jutang barim. Ïa kata ka jingkah, la weng noh tang haba u briew u la pynïasoh ïa lade ha U Khrist.

EPHESOS 4:18

Kim don bynta ha ka jingim kaba U Blei u ai, naba ki long kiba bieit tasam bad kiba eh dohnud.

EPHESOS 4:26

Lada phi bitar, wat ai ba ka jingbitar jong phi kan ïalam ïa phi ban leh pop, wat bitar sah baroh shi sngi.

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.

HEBRU 3:10

Bad kumta nga la bitar ïa kita ki briew bad nga la ong, ‘Ki la iehnoh ïa nga borabor bad ki la kyntait ban kohnguh ïa ki hukum jong nga.’

HEBRU 3:17

Bad kiei pat kiba U Blei u la bitar haduh sawphew snem? Bad kita ki briew kiba la leh pop, kiba la kyllon ïap ha ka ri shyiap.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

JINGPYNPAW 6:16

Ki la pyrta ha ki lumbah bad ha ki mawsiang, “To tap halor jong ngi bad to buhrieh noh ïa ngi na ki khmat jong uta uba shong halor ka khet bad na ka jingbitar U Khunlangbrot!

NONGBISHAR 10:16

Kumta ki bret noh ïa la ki blei nongwei bad ki la mane ïa U Trai; bad u la pisa halor ka jingjynjar jong ki Israel.

1 SAMUEL 20:34

U Jonathan u ïeng noh na kata ka miej ha ka jingbitar bad um shym bam ei ei ha kata ka sngi — ka sngi kaba ar jong ka jingkhawai mih bnai thymmai. U da khuslai sat shaphang u Dabid, namar u Saul u la pynjahburom ïa u.