MARKOS 3:21 - Khasi CL Bible (BSI)

²¹ Mynba kiba na ka longïing jong u ki la ïohsngew shaphang kata, ki la leit ban shimti ïa u, namar ki briew ki la ïa-ong, “U la lamwir!”

KA BAIBL

²¹ Te haba ki kur jong u ki la bna, ki la leit noh ban bat ïa u, naba ki la ong, “Um tipbriew shuh.”

MARKOS 3:21 ပူးပေါင်းရင်းမြစ်များ

2 SYIEM 9:11

U Jehu u leit phai sha la ki para rangbah shipai, ki kylli ïa u, “Ka bit ka biang baroh? Kaei kaba uto u khleh bieit u kwah na phi?” U Jehu u jubab, “Phi tip ïa kaei kaba u kwah.”

JEREMAÏAH 29:26

“U Trai u la pynlong ïa phi u lyngdoh ha ka jaka jong u Jehoïada, bad mynta phi long u rangbah pynïaidkam ha ka Templ. Ka dei ka kamram jong phi ban khmih ba ïa uwei pa uwei u riewlamwir uba leh mynleh ba u long u nongïathuhlypa dei ban buh ha ki kynjri lem bad u jingdeng ryndang uba da ka nar.

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

MARKOS 3:31

Nangta ka kmie U Jisu bad ki para jong u ki la wan poi. Ki la ïeng shabar jong ka ïing bad ki phah khubor shapoh, ban kylli shaphang jong u.

ÏOANNIS 10:20

Bun na ki, ki la ïa-ong, “U shongksuid! U la lamwir! Balei phi ïa-shahskhor ïa u?”

KI KAM 26:24

Katba u Paul u dang ïasaid da ïa lade ha kane ka rukom, u Phestos u la pyrta ha u, “Me la lamwir, ko Paul! Ka jingstad bakhraw jong me ka la pynlamwir ïa me!”

2 KORINTH 5:13

Hato ngi da lamwir shisha? Ka long na ka bynta U Blei. Lane hato ngi long kiba tipbriew? Te ka long na ka bynta jong phi.