MARKOS 2:5 - Khasi CL Bible (BSI)

⁵ Haba U la ïohi haduh katno ba ki don ka jingngeit, U Jisu u ong ha uta uba pang ïapshiliang, “Ko khun jong nga, ïa ki pop jong me la map.”

KA BAIBL

⁵ Bad haba U Jisu u la ïohi ïa ka jingngeit jong ki, U la ong ha uta u bapang ïapshiliang, “Ko khun, la map noh ïa me ïa ki pop jong me.”

MARKOS 2:5 ပူးပေါင်းရင်းမြစ်များ

JENESIS 22:12

“Wat pynmynsaw ïa u khynnah lane leh ei ei ïa u,” u ong. “Mynta, nga tip ba me sheptieng bad kohnguh ïa U Blei, namar mem shym la tyngkai ïa la u khun marwei na u.”

SALM 103:3

U map ïa ki pop jong nga baroh bad u pynkhiah ïa ki jingpang jong nga baroh.

ISAÏAH 38:17

Ka jingkthang jong nga ka kylla sha ka jingsuk. Me pyllait ïa ka jingim jong nga na ka jingma baroh; me map ïa ki pop jong nga baroh.

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

MATHAÏOS 9:2

ha kaba katto katne ki briew ki la wallam sha u ïa u briew uba ïapshiliang, uba thiah ha ka jingthiah. Haba U Jisu u la ïohi haduh katno ka jingngeit ki don, u la ong ha u briew uba ïapshiliang, “To long shlur, ko khun jong nga! Ïa ki pop jong me la map.”

MATHAÏOS 9:22

U Jisu u la phai sawdong bad u la ïohi ïa ka, bad u la ong, “To long shlur, ko ka khun jong nga! Ka jingngeit jong pha ka la pynkoit ïa pha.” Ha kata ka khyllipmat ka kynthei ka la koit.

MATHAÏOS 9:5

Hato ka kham suk ban ong, ‘La map ïa ki pop jong me,’ lane ban ong, ‘To ïeng joit bad to ïaid?’

MARKOS 2:6

Katto katne ngut ki nonghikai ka Hukum kiba dang shong hangta ki la pyrkhat ha lade,

MARKOS 5:34

U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk, bad to long kaba la khiah na ka jingshitom jong pha.”

LOUKAS 5:20

Haba U Jisu u la ïohi haduh katno ka jingngeit ki la don, u la ong ha uta u briew, “La map ïa ki pop jong me, ko paralok jong nga.”

LOUKAS 8:48

U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk.”

ÏOANNIS 2:25

Ym da donkam mano mano ban ïathuh ha u shaphang jong ki, namar u hi u la tip kaei kaba don ha ka dohnud jong ki.

ÏOANNIS 5:14

Hadien kata, U Jisu u la shem ïa u ha ka Templ bad u la ong, “Peit shane, me la khiah mynta; te sangeh na kaba leh pop, ïoh kaei kaei kaba kham sniew ka lah ban jia ïa me.”

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 14:9

U la shong hangta bad u la pynshahshkor ïa ki ktien jong u Paul. U Paul u la ïohi ba u la ngeit bad ba u lah ban ïohkhiah, kumta u la khmih shlip sha u bad u la ong ha ka sur kaba jam,

KI KAM 5:31

U Blei u la kyntiew ïa u sha ka liang kamon jong u kum u Nongïalam bad u Nongpynim, ban ai ha ki paid Israel ka kabu ban kylla-kaba-mut bad ban ïoh ka jingmap ïa ki pop jong ki.

1 KORINTH 11:30

Namar kane balei bun na phi, phi pang bad phi swai, bad bun bah ki la ïap.

2 KORINTH 2:10

Haba phi map ïano ïano ïa kaei kaba u la leh, nga ruh nga map ïa u kumjuh. Naba haba nga map — lada, shisha, ka dei ïa nga ban map ïa kano kano — nga leh ïa kata ha khmat U Khrist namar jong phi, khnang ban ym shah ïa u Soitan ban leh donbor halor jong ngi; naba ngi tip kiei ki jingthmu jong u ki long.

EPHESOS 2:8

Namar dei da ka jingaiei U Blei ba ïa phi la pynim da ka jingngeit. Kam dei na ka jingmih na ki kam jong phi hi, hynrei ka long ka jingai U Blei, khnang ba uno uno un ym lah ban kren sarong shaphang kata.

KOLOSSAI 3:13

To ïaishah iwei ïa iwei pat, bad ïamap iwei ïa iwei pat ha man ba uno uno na phi u don ka jingmudui pyrshah ïa uno uno uwei pat. Phi dei ban ïamap iwei ïa iwei pat kumba U Trai u la map ïa phi.

JAKOB 5:15

Kane ka jingduwai ba la pynlong ha ka jingngeit kan pynkhiah ïa u briew uba pang; U Trai un sa ai biang ha u ïa ka jingkoit jingkhiah, bad ïa ki pop kiba u la leh yn map.