MARKOS 2:20 - Khasi CL Bible (BSI)

²⁰ Hynrei ka sngi kan poi haba ïa u nongleitkurim yn shim noh na ki, te kin sa shahjingit.

KA BAIBL

²⁰ hynrei, ki sngi kin poi, haba la shim noh ïa u nongleit-kurim na ki, ynda kumta te, ha kita ki sngi keiñ, kin sa ïashah jingit.

MARKOS 2:20 ပူးပေါင်းရင်းမြစ်များ

SALM 45:11

Ka jingbhabriew jong phi kan pynlong ba u syiem un kwah ïa phi; u long u kynrad jong phi, kumta phi dei ban kohnguh ïa u.

JINGRWAI SOLOMON 3:11

Ko ki kynthei ka Seïon, to wan bad khmih ïa u syiem Solomon. U da phong ïa ka pansngiat kaba ka kmie jong u ka la buh halor ka khlieh jong u ha ka sngi kyntiew kurim jong u, ha ka sngi ka jingsngewbha bad ka jingkmen jong u.

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

ISAÏAH 62:5

Kum u samla uba shim ïa ka theisotti kum ka nongleitkurim jong u, uta uba pynlong ïa pha un shongkurim ïa pha, kumba u nongleitkurim u shem sngewbha bad ka nongleitkurim jong u, kumta U Blei jong pha un shem sngewbha ïa pha.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

MATHAÏOS 26:31

Nangta U Jisu u la ong ha ki, “Ha kane hi ka miet phi baroh phin ïaphet noh bad iehnoh ïa nga, naba ka Jingthoh Bakhuid ka ong, ‘U Blei un pynïap ïa u nongaplangbrot, bad ïa ki langbrot jong ka kynhun yn pynsakma.’

MATHAÏOS 9:15

U Jisu u la jubab, “Hato phi khmih lynti ba kiba shah khot sngewbha sha ka jingkhawai shongkurim kin sngewsih katba u nongleitkurim u dang don lem bad ki? Em kam long kumta! Hynrei ka sngi kan poi haba ïa u nongleitkurim yn shim noh na ki, bad kumta keiñ kin sa shahjingit.

MARKOS 2:19

U Jisu u la jubab, “Hato phi khmih lynti ba ki nongshahkhot sngewbha ha ka jingshongkurim ban leit khlem jingbam? Ym kumta! Katba u nongleitkurim u don ryngkat bad ki, kin ym shahthngan.

MARKOS 2:21

“Ym don uno uno uba pyndonkam ïa ka lyngkhot jaiñ bathymmai ban syrdep ïa ka sopti barim, namar ka lyngkhot jaiñ bathymmai kan ran bad kan pynkad katto katne ïa ka jaiñ barim, kan pynlong wat ïa ka jingkad kaba kham heh.

LOUKAS 17:22

Nangta u la ong ha ki synran, “Ka por kan poi ha kaba phin kwah ban ïohi ïa kawei na ki sngi jong U Khun U Briew, hynrei phin ym ïohi ïa ka.

LOUKAS 5:35

Hynrei ka sngi kan poi haba ïa u nongleitkurim yn shim noh na ki, bad kumta kin sa shahjingit.”

ÏOANNIS 12:8

Phin don borabor ki briew kiba duk lem bad phi, hynrei phin ym ïoh borabor ïa nga.”

ÏOANNIS 13:33

Ko ki khun jong nga, ngan ym don shuh bad phi slem nangne. Phin ïawad ïa nga; hynrei nga ïathuh ïa phi mynta ïa kaei kaba ba nga la ïathuh ha ki nongsynshar jong ki Jiw, ‘Phim lah ban leit shano sha ba nga ngan leit.’

ÏOANNIS 16:28

Nga la wan na U Kpa, bad nga la wan sha ka pyrthei; bad mynta ngan sa iehnoh ïa ka pyrthei bad ngan leit sha U Kpa.”

ÏOANNIS 16:7

Hynrei nga ïathuh ha phi ïa ka jingshisha: Ka kham bha ïa phi ba nga leit noh, namar lada ngam leit noh, U Nongïarap un ym wan sha phi. Hynrei lada nga leit noh, te ngan phah ïa u sha phi.

ÏOANNIS 17:11

Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

ÏOANNIS 17:13

Bad mynta nga wan noh sha me, bad nga ong ïa kine kiei kiei ha ka pyrthei khnang ba kin lah ban ïoh ïa ka jingkmen jong nga ha ki dohnud jong ki ha ka jingdap pura baroh.

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

KI KAM 1:9

Hadien ka jingong ïa kane, la shim noh ïa u sha bneng katba ki dang khmih ïa u, bad u lyoh u la buhrieh ïa u na ka jingïohi jong ki.

KI KAM 14:23

Ha kawei pa kawei ka balang ki la thung ïa ki nongsharai balang, bad da ki jingduwai bad ka jingshah jingit ki la aiti ïa ki sha U Trai, ha uba ki la buh ïa la ka jingshaniah.

KI KAM 3:21

U dei ban don ha bneng tad ynda ka poi ka por ha kaba yn thaw thymmai kiei kiei baroh, kumba U Blei u la pynbna lyngba ki nongïathuhlypa bakhuid jong u kiba la im slem bah mynshuwa.

1 KORINTH 7:5

Wat ju kyrngah iwei ïa iwei pat, lait noh tang haba phi la ïamynjur shuwa ban leh kumta shipor khnang ba phi lah ban pynlut ïa ka por jong phi ha ka jingduwai; hynrei nangta ban phai biang sha ka jingïadei para ma phi. Ha kane ka rukom yn ïada ïa phi na ki jingpynshoi jong u Soitan namar ka jingbymlah jong phi ban synshar ïa lade.

2 KORINTH 11:2

Nga don ka jingsngewkhia na ka bynta jong phi, kumba U Blei u sngew; phi long kum ka theisotti basngur ïa kaba nga la kular ha ka jingshongkurim bad tang ïa uwei u briew, U Khrist hi.

2 KORINTH 11:27

Nga la thait na ka jingtrei shitom; bunsien ngam ju ïohthiah; nga la thngan bad sliang; bunsien ngam shym la don ka jingbam kaba biang, ka jakarieh, lane khlem jaiñkup.

2 KORINTH 6:5

La sympat ïa ngi, la set byndi, bad la shah ktah kti ha u paidbhur; ngi la trei palat bad ngi la duh thiah ne duh bam.

JINGPYNPAW 19:7

To ngin ïarisa bad shadkmen; to ngin ïaroh ïa ka jingkhraw jong u! Naba ka por ka la poi na ka bynta ka jingshongkurim jong U Khunlangbrot, bad ka nongleitkurim jong u ka la pynkhreh ïa lade na ka bynta kata.

JINGPYNPAW 21:9

Uwei na ki hynñiew ngut ki angel uba la don ïa ki hynñiew tylli ki pliang kiba dap da ki hynñiew tylli ki khlam kiba khatduh u la wan sha nga bad u la ong, “To wan, bad ngan pyn-i ha me ïa ka Nongleitkurim, ka tnga jong U Khunlangbrot.”