MARKOS 2:12 - Khasi CL Bible (BSI)

¹² Katba baroh ki dang ïa-peit, uta u briew u la ïeng joit, u la rah ïa la ka jingthiah, bad mar kumta hi u la leit noh. Baroh ki la ïa-sngewlyngngoh haduh katta katta bad ki la ïaroh ïa U Blei, ki da ong, “Ngim pat ju ïohi kum kane kaei kaei!”

KA BAIBL

¹² Te kumne kumne ruh, u la ïeng, bad u la rah noh ïa kata ka jingthiah, u la mih noh de ha khmat jong ki baroh; katba ki la kyndit noh baroh, bad ki la ïaroh ïa U Blei, ki da ong, “Mynno mynno ruh ngim ju ïohi kat kane!”

MARKOS 2:12 ပူးပေါင်းရင်းမြစ်များ

MATHAÏOS 12:23

Ki paidbah ki la sngewkyndit ïa kaei kaba U Jisu u la leh. “Hato une un dei U Khun jong u Dabid?” ki la kylli.

MATHAÏOS 15:31

Ki paidbah ki la lyngngoh haba ki la ïohi ba ki bymnang kren ki kren, kiba khrew ki koit, kiba dkoh ki ïaid, bad kiba matlah ki ïohi, bad ki la ïaroh ïa U Blei ka Israel.

MATHAÏOS 9:33

Hynrei mar syn beh noh ïa u ksuid, u briew u la sdang ban kren, bad uwei uwei baroh u la lyngngoh, “Ngim pat ju ïohi mynno mynno ruh kum kane ha Israel!” ki la ong.

MATHAÏOS 9:8

Haba ki briew ki la ïohi ïa kata, ki la sheptieng, bad ki la ïaroh ïa U Blei uba la ai kum kata ka iktiar ha ki briew.

MARKOS 1:27

Ki briew baroh ki la sngewlyngngoh ba ki la sdang ban ïa-ong para ma ki, “Kaei kane? Hato ka dei ka jait jinghikai thymmai? Une u briew u don ka bor ban ai hukum ïa ki mynsiem bymkhuid, bad ki kohnguh ïa u!”

MARKOS 2:11

“Nga ong ïa me, to ïeng, to rah ïa la ka jingthiah, bad to leit noh sha ïing!”

LOUKAS 13:13

U la buh ïa la ka kti halor jong ka, bad kumta hi ka la pynbeit ïa la ka met bad ka la ïaroh ïa U Blei.

LOUKAS 17:15

Haba uwei na ki, u la ïohi ba u la ïohkhiah, u la wan phai pat, da kaba ïaroh ïa U Blei ha ka sur bajam.

LOUKAS 5:26

Baroh ki la ïalyngngoh shikatdei eh! Ki la dap da ka jingsheptieng, ki la ïaroh ïa U Blei, ki da ong, “A katno kiei kiei kiba phylla ngi la ïohi ha kane ka sngi!”

LOUKAS 7:16

La pyndap ïa ki baroh da ka jingsheptieng bad ki la ïaroh ïa U Blei. “U nongïathuhlypa uba khraw u la mihpaw hapdeng jong ngi!” ki la ong; “U Blei u la wan ban pynim ïa ki briew jong u!”

ÏOANNIS 7:31

Hynrei bun na uta u paidbah u la ngeit ha u bad u la ong, “Haba U Messaïah un wan, hato un leh kham bun ki kambah ban ïa kaba une u briew u la leh?”

ÏOANNIS 9:32

Naduh myn dang long ka pyrthei ym pat don mano mano ba la ïohsngew ba uno uno u ai jingïoh imat pat ïa u briew uba la kha matlah.

KI KAM 4:21

Kumta ka Dorbar ka la maham ïa ki kham tyngeh bad nangta la pyllait noh ïa ki. Ki la ïohi ba ka long ka bym lah long ban pynshitom ïa ki, namar ki paidbah baroh ki la ïaroh ïa U Blei na ka bynta kaei kaba la jia.