MARKOS 15:34 - Khasi CL Bible (BSI)

³⁴ Ha ka por lai baje U Jisu u la pyrta da ka sur kaba jam, “Eloi, Eloi, lema sabakhthani?” kaba mut, “A Blei jong nga, A Blei jong nga, balei ba me iehnoh ïa nga?”

KA BAIBL

³⁴ Te hamar kaba khyndai baje U Jisu u la pyrta da ka ktien bajam, u da ong, “Eloi Eloi lamma sabakhthani?” (kaba long, haba la batai, “U Blei jong nga, U Blei jong nga balei me la iehnoh ïa nga?”)

MARKOS 15:34 ပူးပေါင်းရင်းမြစ်များ

SALM 22:1

U Blei jong nga, U Blei jong nga, balei ba me iehnoh ïa nga? Nga la kyang tyngeh ban ïoh jingïarap, hynrei haduh mynta kam pat wan.

SALM 27:9

Wat bitar ïa nga; wat beh noh ïa u shakri jong me. Me la long ka jingïarap jong nga; wat ieh ïa nga, wat iehnoh jynduh ïa nga, A Blei, u nongpynim jong nga.

SALM 42:9

Ha U Blei, u nongïada jong nga, nga ong, “Balei ba me la klet noh ïa nga? Balei ba ngan ïaishah shitom na ka jingshyrkhei ki nongshun jong nga?”

SALM 71:11

Ki ong, “U Blei u la iehnoh ïa u; ïa ngin ïabeh bad kem ïa u; ym don mano mano ban pyllait im ïa u.”

ISAÏAH 41:17

“Haba ki briew jong nga ha ka jingkyrduh jong ki, ki wad um, haba ki pdot jong ki, ki la tyrkhong da ka jingsliang, Te nga, U Trai, ngan jubab ïa ki jingduwai jong ki; nga, U Blei jong ki Israel, ngan ym iehnoh ïa ki da lei lei.

SNGEWSYNEI 1:12

“Khmih sha nga!” ka pyrta sha uwei pa uwei uba ïaid lynti najan. “Ym don mano mano ba don ka jingpang kum ka jong nga, ka Jingpang kaba U Trai u la wallam halor jong nga ha ka por ka jingbitar jong u.

SNGEWSYNEI 5:20

Balei ba me la iehnoh ïa ngi slem katta katta? Hato men dang kynmaw biang ïa ngi?

DANIEL 9:21

Mynba nga dang duwai, u Gabriel, uba nga la lah ïohi ha ka jingïohipaw mynshuwa, u la wan her sha tbian sha ka jaka ha kaba nga don. Ka la long ha ka por ban ai ïa ka jingkñia janmiet.

MATHAÏOS 27:45

Ha ka por shiteng sngi, ïa ka ri baroh kawei la tap da ka jingdum kaba la neh lai kynta.

MATHAÏOS 27:46

Ha ka por lai baje U Jisu u la pyrta da ka jingpyrta bajam, “Eli, Eli, lema Sabakhthani?” kaba mut “U Blei jong nga, U Blei jong nga, balei ba me iehnoh ïa nga?”

MARKOS 15:25

Ka la long khyndai baje mynstep mynba ki la sahnarphna ïa u.

MARKOS 15:35

Katto katne ngut na ki briew hangta ki la ïohsngew ïa u bad ki la ong, “To sngap, u khot ïa u Elijah!”

LOUKAS 23:44

Ka la long kumba khat-ar baje haba ka sngi ka la sangeh ban tyngshaiñ bad ka jingdum ka la tap ïa ka ri baroh kawei haduh lai baje;

LOUKAS 23:46

U Jisu u la pyrta ha ka sur bajam, “Ko Pa! Ha ki kti jong me nga aiti ïa la ka mynsiem!” U la ong ïa kane bad u la ïap.

KI KAM 10:3

Ka la long ha kawei ka sngi kumba lai baje nohphai sngi mynba u la ïoh ka jingïohipaw, ha kaba u la ïohi da kaba shai kdar ïa u angel jong U Blei uba wan shapoh bad ong ha u, “Kornelios!”

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.