MARKOS 15:32 - Khasi CL Bible (BSI)

³² To ngin ïakhmih ïa U Messaïah, u syiem ki Israel, un hiar na ka diengphna mynta, bad ngin ngeit ha u!” Bad kita ki ar ngut kiba la shah sahnarphna bad U Jisu, ki la krenbeiñ ruh ïa u.

KA BAIBL

³² To U Khrist, uba U Syiem ki Israel, un hiar noh mynta na kato ka diengphna, ba ngin ïohi, bad ngin ïoh ngeit ruh!” Kita ruh ïa kiba la sahnarphna lem bad U, ki la krenbeiñ ïa U.

MARKOS 15:32 ပူးပေါင်းရင်းမြစ်များ

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

SEPHANAÏAH 3:15

U Trai u la pynkut ïa ka jingpynshitom ïa phi; u la weng noh ïa ki nongshun jong phi baroh. U Trai, u syiem ka Israel, u long bad phi; ym don daw mynta ban sheptieng.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 1:17

Te kumta, la don khatsaw pateng bynriew naduh u Abraham haduh u Dabid, bad khatsaw pateng na u Dabid haduh ka jingshah ringmraw ha Babilon, bad khatsaw pateng naduh nangta haduh ka jingkha ïa u Messaïah.

MATHAÏOS 27:42

“U la pyllait im ïa kiwei, hynrei um lah ban pynim ïa lade! Hato um dei une u syiem ka Israel? Lada u la hiar noh mynta na ka diengphna, ngin ngeit ha u!

MATHAÏOS 27:44

Wat ki nonglute kiba la shah sahnarphna bad u ki la ïakren beiñ ïa u ha kajuh ka rukom.

MARKOS 15:26

Ka jingthoh jong ka jingmudui pyrshah ïa u ka long: “U Syiem jong ki Jiw.”

MARKOS 15:27

Ki la sahnarphna ruh ïa ki ar ngut ki dakaid lem bad U Jisu, ïa uwei sha kamon bad ïa uwei pat sha kadiang jong u.

ÏOANNIS 1:49

“Ko Nonghikai,” la jubab u Nathanael, “me long U Khun U Blei! Me long u Syiem ki Israel!”

ÏOANNIS 12:13

Kumta ki la kdiah ïa ki tnat dieng Tlai bad ki la mih ban leit ïakynduh ïa u, ki da pyrta, “Ïaroh ïa U Blei! To U Blei un kyrkhu ïa uta uba wan ha ka kyrteng jong U Trai! To U Blei un kyrkhu ïa u Syiem ki Israel!”

Ka Shithi U Paul Sha Ki Nong Rom 3:3

Hynrei kumno lada katto katne na ki kim long kiba ïaineh? Hato kane ka mut ba U Blei un ym long uba ïaineh?

2 TIMOTHI 2:18

Ki la iehnoh ïa ka lynti ka jingshisha bad pynkylla khongpong ïa ka jingngeit jong ki katto katne ki bangeit da kaba ong ba ka jingpynmihpat ïa ngi ka la dep jia.