MARKOS 15:28 - Khasi CL Bible (BSI)

²⁸ Ha kane ka rukom la pynurlong ïa ka Jingthoh Bakhuid kaba ong, “U la don bynta ha ka kupar ki nongpalat.”

KA BAIBL

²⁸ Kumta, la pyndep ïa kata Ka Jingthoh, kaba ong: “La ñiew ïa u lem bad ki nongpalat.”

MARKOS 15:28 ပူးပေါင်းရင်းမြစ်များ

ISAÏAH 53:12

Bad kumta ngan ai ha u ïa ka burom, ka jaka hapdeng kiba khraw bad kiba donbor. U la aiti mon sngewbha ïa la ka jingim bad u la shim bynta lem bad ki riewbymman. U la shim ïa ka jaka jong ki nongpop kiba bun bad u la duwai ba ki kin ïoh ïa ka Jingmap-ei.”

MARKOS 15:27

Ki la sahnarphna ruh ïa ki ar ngut ki dakaid lem bad U Jisu, ïa uwei sha kamon bad ïa uwei pat sha kadiang jong u.

MARKOS 15:29

Ki briew kiba ïaid nangta ki la kyrngah ïa la ki khlieh bad krenbeiñ ïa U Jisu: “Ade! men pynjot ïa ka Templ bad tei pat ïa ka hapoh lai sngi!

LOUKAS 22:37

Naba nga ong ha phi ba ka Jingthoh Bakhuid kaba ong, ‘U la ïoh bynta ïa ka kupar jong kiba leh kam runar,’ ka dei ban urlong shisha shaphang jong nga, namar kaei kaba la thoh shaphang jong nga ka wan jia shisha.”

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.