MARKOS 15:26 - Khasi CL Bible (BSI)

²⁶ Ka jingthoh jong ka jingmudui pyrshah ïa u ka long: “U Syiem jong ki Jiw.”

KA BAIBL

²⁶ Bad la don ka jingthoh shalor shaphang ka pop jong U kaba la thoh haneng, “U Syiem ki Jiw.”

MARKOS 15:26 ပူးပေါင်းရင်းမြစ်များ

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

PROBERB 21:1

U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

ISAÏAH 10:7

Hynrei u patsha jong ka Assyria u don ha ka jingmut ïa ki jingthmu jong u ban leh jubor. U la kut jingmut ban pynjot thiaw ïa shibun ki jaitbynriew.

ISAÏAH 46:10

Naduh mynnyngkong nga la tip lypa ïa kaei ka ban mih; la slem bah nga la ïathuh lypa ïa kaei ka ban jia. Nga la ong ba ki jingthmu jong nga kin ym duh da lei lei, ngan leh ïa kiei kiei baroh kiba nga thmu ban leh.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 2:2

“Hangno u don u khunlung uba la kha ban long u syiem jong ki Jiw? Ngi la ïohi ïa u khlur jong u mynba u la mih ha ka phang mihngi, bad ngi la wan ban mane ïa u.”

MATHAÏOS 27:37

Haneng ka khlieh jong u ki la buh ka jingthoh pynbna ïa ka jingmudui pyrshah ïa u: “Une u long U Jisu, U Syiem ki Jiw.”

MARKOS 15:2

U Pilat u la kylli jingkylli ïa u, “Me long u syiem jong ki Jiw?” U Jisu u la jubab, “Kumba me ong hi.”

MARKOS 15:27

Ki la sahnarphna ruh ïa ki ar ngut ki dakaid lem bad U Jisu, ïa uwei sha kamon bad ïa uwei pat sha kadiang jong u.

MARKOS 15:32

To ngin ïakhmih ïa U Messaïah, u syiem ki Israel, un hiar na ka diengphna mynta, bad ngin ngeit ha u!” Bad kita ki ar ngut kiba la shah sahnarphna bad U Jisu, ki la krenbeiñ ruh ïa u.

DEUTERONOMI 23:5

Hynrei U Trai U Blei jong phi un ym sngap ïa u Balaam; u pynkylla pynban ïa kata ka jingtim sha ka jingkyrkhu, namar ba u ieit ïa phi.