MARKOS 14:61 - Khasi CL Bible (BSI)

⁶¹ Hynrei U Jisu u la sngap jar bad um ong shikyntien ruh. U Rangbah Lyngdoh u la kylli biang ïa u, “Hato me long U Messaïah, U Khun jong U Blei ba la kyrkhu?”

KA BAIBL

⁶¹ U te U la shu sngap, bad um ïathuh ei ei ruh em. Uta u rangbah lyngdoh u la kylli pat ïa U, bad u ong ha U, “Me long uta U Khrist, U Khun jong Uba la kyrkhu?”

MARKOS 14:61 ပူးပေါင်းရင်းမြစ်များ

SALM 119:12

Nga ïaroh ïa me, A Trai; to hikai ïa nga ïa ki lynti jong me.

SALM 2:7

“Ngan pynbna,” ong u syiem, “ïa kaei kaba U Trai u la pynbna. U ong ha nga: ‘Me long u khun jong nga; ha kane ka sngi nga la long u kpa jong me.

SALM 39:9

Ngan sngap jar, ngan ym ong wat tang shikyntien ruh, namar dei ma me uta uba pynlong ïa nga ban shitom kumne.

ISAÏAH 53:7

“U la shah lehbeiñ sat, hynrei u la shah da kaba sngewrit; um shym la kren shikyntien ruh. Kum i khunlangbrot ban sa shah pynïap, kum ka langbrot ka ban sa shah khih ïa la u shñiuh, um shym kren shikyntien ruh.

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

MATHAÏOS 3:17

Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

MATHAÏOS 8:29

Shisyndon ki la lynñiar, “Me kwah aïu bad ngi, me U Khun jong U Blei? Hato me la wan ban pynshitom ïa ngi ha shuwa ka por kaba dei?”

MARKOS 14:60

U Rangbah Lyngdoh u la ïeng ha khmat jong ki baroh bad u la kylli ïa U Jisu, “Hato mem don ka jubab ïa ka jingmudui kaba ki la wanrah pyrshah ïa me?”

MARKOS 15:2

U Pilat u la kylli jingkylli ïa u, “Me long u syiem jong ki Jiw?” U Jisu u la jubab, “Kumba me ong hi.”

ÏOANNIS 1:34

Nga la ïohi ïa kata,” la ong U Ïoannis, “bad nga ong ha phi ba une u dei U Khun U Blei.”

ÏOANNIS 10:36

Na ka bynta jong nga, U Kpa u la jied ïa nga bad u la phah ïa nga sha ka pyrthei. Kumno, te, phi lah ban ong ba nga krenbeiñ blei namar ba nga la ong ba nga long U Khun U Blei?

ÏOANNIS 18:37

Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

ÏOANNIS 19:7

U paidbah u la phai ktien, “Ngi don ka hukum kaba ong ba u dei ban ïap, namar u la kam ba u long U Khun U Blei.”

ÏOANNIS 19:9

U la leit pat sha ïing bad u la kylli ïa U Jisu, “Nangno me wan?” Hynrei U Jisu um shym jubab.

KI KAM 8:32

Ka bynta jong ka Jingthoh Bakhuid kaba u dang pule ka la long kane: “Kum ka langbrot ïa kaba la ïalam ban shah pynïap, kum u khunlangbrot uba sngap jar haba khap ïa u shñiuh jong u, um shym kren wat shikyntien.

1 TIMOTHI 1:11

Ïa kata ka jinghikai la shem ha ka Gospel ïa kaba la pynkhamti ha nga ban pynbna, ka Khubor Babha na U Blei uba khrawburom bad ba la kyrkhu.

1 TIMOTHI 6:15

Ïa ka jingpynpaw jong u yn wallam da U Blei ha ka ïa kaba biang, uba la kyrkhu bad tang ma u hi, U Nongsynshar, U Syiem jong ki syiem bad U Trai jong ki trai.

1 PETROS 2:23

Haba la krenbeiñ ïa u, um shym pynphai ktien kylliang da kaba krenbeiñ; haba u shahshitom, um shym la byrngem, hynrei u la buh ïa la ki jingkyrmen ha U Blei, u Nongbishar bahok.