MARKOS 14:41 - Khasi CL Bible (BSI)

⁴¹ Haba u la wan pat ha ka sien kaba lai, u la ong ïa ki, “Hato phi dang ïohthiah bad dang shongthait? Ka la biang! Ka kynta ka la poi! Khmih, ïa U Khun U Briew yn ai noh mynta ha ka bor jong ki briew kiba pop.

KA BAIBL

⁴¹ U la wan ruh ka balai sien, bad u ong ha ki, “Phi nang thiah mynta? phi nang jahthait ruh? keiñ noh! la jia ka por, ha khmih, la die noh ïa U Khun u briew ha ki kti ki nongpop.

MARKOS 14:41 ပူးပေါင်းရင်းမြစ်များ

1 SYIEM 18:27

Ynda la dap shiteng sngi u Elijah u la sdang ban kren biria ïa ki: “Duwai kham jam! U dei u blei! Lehse u dang phohsniew lane u dang leit shabar lane lehse u dang leit jingleit! Lane lehse u dang ïohthiah, phin hap ban kyrsiew ïa u!”

1 SYIEM 22:15

Haba u wan mih ha khmat u syiem Ahab, u syiem u kylli ïa u, “Mikaïah, hato u syiem Jehoshaphat bad nga ngin leit ne em ban tur ïaleh ïa ka Ramoth?” “Khie tur ïaleh!” u Mikaïah u jubab. “Da shisha phin jop. U Trai un ai ha phi ka jingjop.”

2 SYIEM 3:13

“Balei ngan ïarap ïa phi?” u Elisha u ong ïa u syiem ka Israel. “Khie leit bad kylli na kito ki nongïathuhlypa kiba u kpa bad ka kmie jong me ki la kylli.” “Em!” u Joram u jubab. “U dei U Trai uba la buh ïa ngi lai ngut ha ka jingisynei jong u syiem ka Moab.”

EKLESIASTIS 11:9

Ko samla, to lehkmen ïa ka jinglong samla jong phi. To kmen katba phi dang samla. Leh ïa kaei kaba phi kwah ban leh, bad bud ïa ka jingkwah ka dohnud jong phi. Hynrei kynmaw ba U Blei un bishar ïa phi ïa kaei kaei kaba phi leh.

ESEKIEL 20:39

U Trai Nongsynshar u ong, “Bad mynta, ma phi ki Israel baroh, to pynsngewbha ïa lade! To khie bad to shakri ïa ki bleithaw jong phi! Hynrei nga maham ïa phi ba hadien kane, phi dei ban kohnguh ïa nga bad sangeh ban pynjahburom ïa ka kyrteng jong nga da kaba ai ki jingai sngewbha ha ki bleithaw jong phi.

MATHAÏOS 26:2

“Sa ar sngi, kumba phi tip, kan long ka Jingkhawai Niam Ka Jinglait, bad ïa U Khun U Briew yn sa aiti noh ïa ka ban shah sahnarphna.”

MARKOS 14:10

Te u Judas Iskariot, uwei na ki khat-ar ngut ki synran, u la mihnoh ban leit sha ki rangbah lyngdoh khnang ban shetkylla ïa U Jisu ha ki.

MARKOS 14:18

Katba ki dang don ha ka miej ban ïabam, U Jisu u la ong, “Nga ong ïa phi, ba uwei na phi un shetkylla ïa nga — uta uba dang ïabam bad nga.”

MARKOS 14:35

U la leit kham ha pajih, u la dem pyllup ha khyndew, bad u la duwai ba lada don ka lad, un ym hap ban ïaid lyngba ïa kata ka por jong ka jingshah shitom.

MARKOS 14:40

Nangta u la wan pat sha ki synran bad u la shem ba ki ïohthiah; kim shym la lah ban khyllie ïa la ki khmat. Bad kim shym la tip ïa kaei ban ong ïa u.

MARKOS 14:42

Ïeng joit, ïa ngin ïaleit noh. Ha khmih, hangne u don u briew uba shetkylla ïa nga!”

MARKOS 7:9

Bad U Jisu u la bteng da kaba ong, “Phi don ka rukom basian jong ka jingkyntait ïa ka hukum U Blei ban pynneh ïa la ka jong ka jinghikai hi.

MARKOS 9:31

“Ïa U Khun U Briew yn sa ai noh ha ki briew ki ban pynïap ïa u. Pynban hadien lai sngi, un sa mihpat.”

ÏOANNIS 12:23

U Jisu u la jubab ïa ki, “Ka kynta ka la poi mynta ïa U Khun U Briew ban ïohpdiang ïa ka burom kaba khraw.

ÏOANNIS 12:27

“Mynta ka mynsiem jong nga ka pisa — bad aïu ngan ong? Hato ngan ong, ‘Ko Pa, wat ai ba kane ka kynta kan wan ha nga?’ Hynrei dei na ka bynta kata nga la wan — khnang ba ngan ïoh ïaid lyngba kane ka kynta jong ka jingshah shitom.

ÏOANNIS 17:1

Hadien ba U Jisu u la dep ong ïa kane, u la khmied sha bneng bad u la ong, “Ko Pa, ka kynta ka la poi. To ai ka burom ïa la U Khun, ba U Khun un ïoh ban ai ka burom ïa me.

ÏOANNIS 7:30

Te ki la pyrshang ban kem ïa u, hynrei ym don uba la ktah kti ïa u, namar ba ka kynta jong u kam pat poi.

ÏOANNIS 8:20

U Jisu u la kren ïa kane baroh katba u dang hikai ha ka Templ, ha ka kamra ha kaba la buh ïa ki synduk pdiang jingainguh. Bad ym don mano mano ba la kem ïa u, namar ba ka kynta jong u kam pat poi.

KI KAM 7:52

Hato ym don u nongïathuhlypa ïa uba ki kpa tymmen jong phi ki la pynshitom beiñ? Ki la pynïap ïa ki nonglamktien jong U Blei, kiba slem bah mynshuwa ki la pynbna ïa ka jingwan jong u shakri bahok jong u.

NONGBISHAR 10:14

Khie leit kyang jam sha ki blei kiba phi la jied. Ai ba kita kin pyllait ïa phi ha ka por ba phi jynjar.”