MARKOS 14:22 - Khasi CL Bible (BSI)

²² Katba ki dang ïabam, U Jisu u la shim ïa u kpu, u la duwai ainguh bad u la kdiah ïa u, bad u la ai ïa u ha ki synran jong u, “Shim ïa u, une u long ka met jong nga” u la ong.

KA BAIBL

²² Haba ki dang ïabam ruh, U Jisu u la shim ïa u kpu, bad haba u la lah nguh u la kdiah, bad u la ai ha ki, bad u la ong, “To shim, to bam, une u long ka met jong nga.”

MARKOS 14:22 ပူးပေါင်းရင်းမြစ်များ

JENESIS 41:26

Ki hynñiew tylli ki masi kynthei kiba sngaid ki long ki hynñiew tylli ki snem, bad ki hynñiew tylli ki kop kew kiba met ruh ki long ruh ki hynñiew tylli ki snem; ki don kajuh ka jingmut.

SEKHARAÏAH 5:7

Ka shang ka la don ka jingtap ba la shna da ka sisa. Katba nga dang khmih, la plied ïa ka jingtap, bad hangta hapoh ka shang la shong ka kynthei!

MATHAÏOS 14:19

U la hukum ïa ki paidbah ban shong halor u phlang; nangta u la shim ïa ki san tylli ki kpu bad ïa ki ar tylli ki dohkha, u la khmied sha bneng, bad u la ainguh ïa U Blei. U la kdiah ïa ki kpu bad u la ai ïa ki ha ki synran, bad ki synran ki la ai ïa ki ha u paidbah.

MARKOS 10:16

Nangta u la shim ïa ki khynnah ha la ki ksang'ti, u la buh ïa ki kti jong u halor jong ki, bad u la kyrkhu ïa ki.

MARKOS 14:21

U Khun U Briew un ïap kumba ki Jingthoh Bakhuid ki la ong ba un ïap; hynrei katno kan long kaba sngewshyrkhei na ka bynta uta u briew uba shetkylla ïa U Khun U Briew! Kan jin da la kham bha na ka bynta uta u briew lada ym shym la kha ïa u!”

MARKOS 14:23

Nangta u shim ïa ka khuri, u la ainguh ha U Blei, bad u la ai ïa ka ha ki; bad baroh ki la dih na ka.

MARKOS 14:24

U Jisu u la ong, “Kane ka long ka snam jong nga ïa kaba la pynmih na ka bynta kiba bun, ka snam jong nga kaba pynskhem ïa ka jutang U Blei.

MARKOS 6:41

Nangta U Jisu u la shim ïa ki san tylli ki kpu bad ar tylli ki dohkha, u la khmied sha bneng, bad u la ainguh ïa U Blei. U la kdiah ïa ki kpu bad ai ïa ki ha ki synran jong u ban sam ha ki briew. U la ïasam ruh ïa ki ar tylli ki dohkha hapdeng jong ki baroh.

LOUKAS 22:17

Nangta U Jisu u la shim ïa ka khuri, u la ainguh ha U Blei, bad u la ong, “Shim ïa kane bad sam ïa ka hapdeng jong phi.

LOUKAS 24:30

U la shong bam bad ki, u la shim ïa u kpu, bad u la duwai; nangta u la kdiah ïa u kpu bad u la ai ïa u ha ki.

ÏOANNIS 6:23

Kiwei pat ki lieng, kiba na Tiberias, ki la wan poi ha ka ryngkew hajan ka jaka ha kaba ki paidbah ki la bam ïa u kpu hadien ba U Trai u la ainguh.

GALATIA 4:25

Ka Hagar, kaba ïeng na ka bynta u lum Sinai ha Arabia, ka long ka dur jong ka nongbah Jerusalem kaba mynta, ka shong mraw ryngkat bad ki briew jong ka baroh.