MARKOS 14:21 - Khasi CL Bible (BSI)

²¹ U Khun U Briew un ïap kumba ki Jingthoh Bakhuid ki la ong ba un ïap; hynrei katno kan long kaba sngewshyrkhei na ka bynta uta u briew uba shetkylla ïa U Khun U Briew! Kan jin da la kham bha na ka bynta uta u briew lada ym shym la kha ïa u!”

KA BAIBL

²¹ U Khun u briew shisha un sa leit, kumba la thoh shaphang jong u, hynrei, kordit ïa uta u briew da uba yn die noh ïa U Khun u briew! Ka la bha ïa uta u briew lada ym shym la kha satia ïa u!”

MARKOS 14:21 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

SALM 55:15

To ai ba ki nongshun jong nga kin ïap ha shuwa ka por jong ki; to ai ba kin hiar im sha ka pyrthei kiba ïap! Ka jingbymman ka don ha ki ïing jong ki bad ha ki dohnud jong ki.

ISAÏAH 52:14

Bun ki briew kin kyndit haba kin ïohi ïa u; la pynsniew briew ïa u haduh ba um i shuh kum u briew.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

MATHAÏOS 26:54

Hynrei lada ka long kumta, da kumno ki Jingthoh Bakhuid kiba ong ba kane ka long kaei kaba dei ban jia, kin jia long shisha?”

MATHAÏOS 26:56

Hynrei kane baroh ka la lah jia khnang ban pynlong ïa kaei kaba ki nongïathuhlypa ki la thoh ha ki Jingthoh Bakhuid ban jia shisha.” Nangta baroh ki synran ki la iehnoh ïa u bad ki la ïaphet noh.

MARKOS 14:20

U Jisu u la jubab, “Un long uwei na phi ki khat-ar ngut, uta u ban wieh ïa u kpu jong u ha ka pliang bad nga.

MARKOS 14:22

Katba ki dang ïabam, U Jisu u la shim ïa u kpu, u la duwai ainguh bad u la kdiah ïa u, bad u la ai ïa u ha ki synran jong u, “Shim ïa u, une u long ka met jong nga” u la ong.

MARKOS 14:49

Man ka sngi nga la don bad phi ban hikai ha ka Templ, bad phim shym la kem ïa nga. Hynrei ki Jingthoh Bakhuid ki dei ban urlong shisha.”

LOUKAS 22:22

U Khun U Briew un ïap kumba U Blei u la thmu, hynrei a katno kan long kaba shyrkhei ïa uta u briew uba shetkylla ïa u!”

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

ÏOANNIS 19:28

U Jisu u la tip ba mynta la pyndep ïa kiei kiei baroh; bad khnang ban pynlong ïa ka Jingthoh Bakhuid ban urlong shisha, u la ong, “Nga sliang.”

KI KAM 1:25

ban shakri kum u apostol ha ka jaka jong u Judas, uba la iehnoh ban leit sha ka jaka kaba u dei ban leit.”

KI KAM 2:23

Kat kum ka jingthmu jong u hi, U Blei u la lah thmu lypa ba ïa U Jisu yn aiti ha phi; bad phi la pynïap ïa u da kaba shah ïa ki briew bapop ban sahnarphna ïa u.

KI KAM 4:27

Naba shisha u Herod bad u Pontios Pilat ki la ïakynduh lang ha kane ka nongbah lem bad ki Jentil bad ki paid Israel pyrshah ïa U Jisu, u shakri bakhuid jong me, ïa uba me la pynlong U Messaïah.