MARKOS 13:9 - Khasi CL Bible (BSI)

⁹ “Ma phi ïa lade hi phi dei ban long kiba sumar bha. Phin shah kem bad shah ïalam sha ka ïingbishar. Ïa phi yn sa shoh ha ki synagog; phin sa ïeng ha khmat ki nongsynshar bad ki syiem na ka bynta jong nga ban ïathuh ha ki ïa ka Khubor Babha.

KA BAIBL

⁹ “Hynrei, to sumar ïa lade; naba kin ai noh ïa phi ha ki jingbishar, bad ha ki synagog yn sympat ïa phi, bad yn pynïeng ïa phi ha khmat ki lyngskor bad ki syiem na ka bynta ka kyrteng jong nga, ïa ka ban long ka jingphla ïa ki.

MARKOS 13:9 ပူးပေါင်းရင်းမြစ်များ

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

MARKOS 1:44

hadien u la ong ïa u, “Sngap, wat ïathuh hano hano ruh shaphang kane. Hynrei leit beit sha u lyngdoh bad ai ba un khmih ïa me; te khnang ban pynshisha ha baroh ba me la ïohkhiah, sa ai ka jingkñia kaba u Moses u la hukum.”

MARKOS 13:5

U Jisu u la ong ïa ki, “Sumar bha, bad wat ai ïano ïano ban shukor ïa phi.

MARKOS 13:8

Ki ri kin ïaleh para ma ki; ki hima kin tur ïaleh kawei ïa kawei pat. Ki jumai kin khynñiuh ha kylleng, bad kin don ki 'nemsniew. Kine kiei kiei ki long kum ki jingpang suh kha banyngkong.

MARKOS 6:11

Lada phi wan poi ha ka shnong kaba ki briew kim khot sngewbha ïa phi lane kim sngap ïa phi, mihnoh na ka bad kynther noh ïa u pui pui na ki kjat jong phi. Kata kan long ka jingmaham ïa ki!”

LOUKAS 9:5

hangno hangno ha kaba ki briew kim pdiang sngewbha ïa phi, to iehnoh ïa kata ka shnong bad kynther noh ïa u pui pui na ki kjat jong phi kum ka jingmaham ïa ki.”

ÏOANNIS 15:20

To kynmaw ïa kaei kaba nga la ong ha phi: ‘U mraw um long kham khraw ban ïa la u Kynrad.’ Lada ki pynshitom ïa nga, kin pynshitom ïa phi ruh; lada ki la kohnguh ïa ka jinghikai jong nga, kin kohnguh ïa ka jong phi ruh.

ÏOANNIS 16:2

Phin shah beh noh na ki synagog, bad ka por kan poi haba uno uno uba pynïap ïa phi un pyrkhat ba da kaba leh kumta u shakri ïa U Blei.

KI KAM 21:11

U la wan sha ngi, u la shim ïa u panpoh jong u Paul, u la teh ïa la ki kti bad ki kjat da uta, bad u la ong, “Kane ka long kaei kaba U Mynsiem Bakhuid u ong: Ïa u trai jong une u panpoh yn teh ha kane ka rukom da ki Jiw ha Jerusalem, bad kin sa aiti ïa u ha ki Jentil.”

KI KAM 7:54

Katba ki dkhot jong ka Dorbar ki pynshahshkor ïa u Stephan, ki la bitar shla bad ki la kyr-iat bniat ïa u ha ka jingbitar.

KI KAM 9:16

Bad nga hi ngan pyn-i ha u ïa baroh kaba u dei ban shah na ka bynta jong nga.”

PHILIPPI 1:29

Naba ïa phi la ai ka lad ban shakri ïa U Khrist, ym tang ban ngeit ha u, hynrei ban shahshitom ruh na ka bynta jong u.

2 THESSALONI 1:5

Kane baroh ka pynshisha ba ka jingbishar ka jong U Blei ka long kaba hok, bad kumta phin long kiba bit na ka bynta ka Hima jong u, kaba na ka bynta jong ka phi shahshitom.

2 ÏOANNIS 1:8

To phin sumar ïa lade, namarkata, khnang ba phin ym duh noh ïa kaei kaba ngi, ngi la trei, hynrei phin ïohpdiang ïa ka bainong kaba pura.

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.