MARKOS 13:8 - Khasi CL Bible (BSI)

⁸ Ki ri kin ïaleh para ma ki; ki hima kin tur ïaleh kawei ïa kawei pat. Ki jumai kin khynñiuh ha kylleng, bad kin don ki 'nemsniew. Kine kiei kiei ki long kum ki jingpang suh kha banyngkong.

KA BAIBL

⁸ Naba ka kynja bynriew kan ïeng ïaleh bad ka kynja bynriew, ka hima ruh bad ka hima; bad ki jingkhynñiuh jumai kin long ha bun ki jaka, bad kin long ki 'nemsniew: kine ki jingsdang ki jingjynjar.

MARKOS 13:8 ပူးပေါင်းရင်းမြစ်များ

2 KHRONIKL 15:6

Kawei ka jaitbynriew ka banbeiñ ïa kawei pat ka jaitbynriew, bad kawei ka nongbah ka banbeiñ ïa kawei pat ka nongbah, namar U Blei u wanrah ka jingjynjar bad jingshitom ha ki.

SALM 48:6

Hangta la kem ïa ki da ka jingsheptieng bad ka jingjynjar, kum ka briew ka ban sa kha khun,

ISAÏAH 19:2

U Trai u ong, “Ngan pynkhih ka thma poh-ïing ha Ijipt bad ngan pynphai ïa u para pyrshah ïa u para bad u paramarjan pyrshah ïa u paramarjan. Ki nongbah ba-ïashun kin ïaleh kawei ïa kawei pat, bad ki syiem ba-ïashun kin ïaksaid ban ïoh ïa ka bor.

ISAÏAH 29:6

Kynsan kynsan bad khlem poi pyrkhat U Trai Badonbor Baroh un pyllait im ïa pha da ki 'erïong bajur bad ki jingkhih jumai. Un phah ïa ki 'erlangthari bad ka ding baklang;

ISAÏAH 37:3

Kane ka long ka khubor ba u ïathuh ha ki ban ai ha u Isaïah; “Mynta ka long ka sngi jong ka jingjynjar; ngi la shah pynshitom bad ngi long ha ka jinglehrain. Ngi long kum ka kynthei kaba la suh kha, hynrei kaba tlot katta katta ba kam lah ban kha.

JEREMAÏAH 13:21

Aïu phan ong haba ki briew kiba pha pyrkhat ki long ki paralok jong pha, ki jop ïa pha bad ki synshar halor jong pha? Phan don ha ka jingpang kum ka kynthei kaba kha khun.

JEREMAÏAH 22:23

Phi shong sngewskhem hapdeng ki dieng Kedar ba wanrah na Lebanon; hynrei katno kaba sngewsynei ynda wan ka jingshitom ha phi, bad phin ud haba ka jingsuh kan lap ïa phi, ki jingshitom kum kito ki jong ka kynthei kaba suh kha.

JEREMAÏAH 25:32

U Trai Badonbor Baroh u ong ba ka jingpynjot kan wan ha ka jaitbynriew kawei hadien kawei pat, bad ka 'erïong kaba jur kan ïalumlang haduh kiba kut jong ka pyrthei.

JEREMAÏAH 4:31

Nga la ïohsngew ïa ka jingïam, kum ka kynthei kaba suh kha, ka jinglynñiar kum ka kynthei kaba kha ïa i khun nyngkong jong ka. Ka la long ka jingïam jong ka Jerusalem kaba kwah eh ban ring mynsiem, ka da kner noh ïa ka kti jong ka bad ong, “Nga long kaba la tim! Ki wan ban pynïap ïa nga!”

JEREMAÏAH 49:24

Ki briew jong ka Damaskos ki long kiba tlot bad ki la phet ha ka jingsheptieng. Ki don ha ka jingud bad jingjynjar kum ka briew kaba suh kha.

JEREMAÏAH 50:43

U syiem ka Babilonia u ïohsngew ïa ka khubor, bad ki kti jong u ki noh kyrwep. U don ha ka jinglyng-a, da ka jingpang kum ka briew kaba suh kha.

JEREMAÏAH 6:24

“Ngi la ïohsngew ïa ka khubor,” ong ki briew ka Jerusalem, “bad ki kti jong ngi ki noh kyrwep, la kem ïa ngi da ka jinglyng-a bad ka jingpang kum ka kynthei kaba suh kha.

HAGGAI 2:22

bad pynkyllon ïa ki hima bad pynkut ïa ka bor jong ki. Ngan pynkylla khongpong ïa ki kali ïapom bad ïa ki nongñiah jong ki; ki kulai kin ïap, bad ki nongshong kulai kin ïa-pynïap para ma ki.

SEKHARAÏAH 14:13

Ha kata ka por U Trai un pynlong ïa ki ba kin shaïong jingmut bad sheptieng haduh katta ba uwei uwei baroh un kem ïa u briew hajan jong u bad tur ïaleh ïa u.

MATHAÏOS 24:8

Kine kiei kiei baroh ki long kum ki jingpang banyngkong jong ka jingsuh kha.

MARKOS 13:7

Bad wat sngewkhuslai haba phi ïohsngew ki jingsawa ki thma hajan jong phi bad ïa ki khubor jong ki thma jngai na phi. Ka dei ïa kine kiei kiei ban jia, hynrei kam mut ba ka jingkut ka la long.

MARKOS 13:9

“Ma phi ïa lade hi phi dei ban long kiba sumar bha. Phin shah kem bad shah ïalam sha ka ïingbishar. Ïa phi yn sa shoh ha ki synagog; phin sa ïeng ha khmat ki nongsynshar bad ki syiem na ka bynta jong nga ban ïathuh ha ki ïa ka Khubor Babha.

KI KAM 11:28

Uwei na ki, uba kyrteng u Agabos, u la ïeng joit bad da ka bor jong U Mynsiem u la ïathuh lypa ba ka 'nemsniew bajur kan sa wan ha ka pyrthei baroh kawei. (Ka la wan jia mynba u Klaudius u la long u Patsha.)

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.

JINGPYNPAW 6:4

Sa uwei pat u kulai u la wan mih, uba saw ka rong. Ha u nongshong kulai la ai ïa ka bor ban wanrah ïa ka thma ha ka pyrthei, ba ki briew kin ïa-pynïap para ma ki hi. La ai ha u ïa ka waitlam kaba heh.