MARKOS 13:6 - Khasi CL Bible (BSI)

⁶ Shibun ki briew, ki ban kam ba ki kren na ka bynta jong nga, kin wan bad ong, ‘Nga long ma u!’ bad kin shukor ïa kiba bun ki briew.

KA BAIBL

⁶ naba bun kin wan ha ka kyrteng jong nga, ki da ong, ‘Ma nga U Khrist’, bad kin shukor ïa shibun.

MARKOS 13:6 ပူးပေါင်းရင်းမြစ်များ

JEREMAÏAH 14:14

Hynrei U Trai u la jubab, “Ki nongïathuhlypa ki ïathuh ïa ki jinglamler ha ka kyrteng jong nga; ngam shym phah ïa ki, lymne ngam shym la ai kino kino ki hukum lane kren shikyntien ha ki. Ki jingïohipaw kiba ki ïakren kim shym wan na nga; ki jingïathuh lypa ki long kiei kiei ki bymdondor kiba ki la mutdur.

MATHAÏOS 24:11

Nangta shibun ki nongïathuhlypa lamler kin mih bad kin shukor ïa ki briew kiba bun.

MATHAÏOS 24:5

Shibun ki briew, kiba kam ba ki kren na ka bynta jong nga, kin wan bad ong, ‘Nga long u Messaïah!’ bad kin shukor ïa ki briew kiba bun.

MARKOS 13:22

Namar ki Messaïah balamler bad ki nongïathuhlypa balamler kin mih. Kin leh ïa ki kambah bad ki jingphylla khnang ban shukor wat ïa ki briew ba la jied jong U Blei, lada long kaba lah.

MARKOS 13:5

U Jisu u la ong ïa ki, “Sumar bha, bad wat ai ïano ïano ban shukor ïa phi.

MARKOS 13:7

Bad wat sngewkhuslai haba phi ïohsngew ki jingsawa ki thma hajan jong phi bad ïa ki khubor jong ki thma jngai na phi. Ka dei ïa kine kiei kiei ban jia, hynrei kam mut ba ka jingkut ka la long.

ÏOANNIS 5:43

Nga la wan da ka iktiar U Kpa jong nga; hynrei phim shym la pdiang ïa nga; pynban, haba don uno uno uba wan ha la ka jong ka iktiar, phin pdiang ïa u.

ÏOANNIS 8:24

Dei na kata ka daw nga la ïathuh ïa phi ba phin ïap ha ki pop jong phi. Bad phin ïap ha ki pop jong phi lymda phi ngeit ba ‘Nga long uba nga long’.”

ÏOANNIS 8:28

Kumta u la ong ha ki, “Ynda phi la kyntiew ïa U Khun U Briew, phin sa tip ba nga ‘Nga long uba nga long’; te phin sa tip ba ngam leh ïa kaei kaei ha ka bor jong nga hi, hynrei nga ong ïa kaei kaba U Kpa u la bthah ïa nga ban ong.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.