MARKOS 13:31 - Khasi CL Bible (BSI)

³¹ Ka bneng bad ka pyrthei kin leit noh, hynrei ki ktien jong nga kin ym leit noh lano lano ruh.”

KA BAIBL

³¹ Ka bneng bad ka khyndew te kin duh noh, hynrei, ki ktien jong nga kin ym duh noh satia.

MARKOS 13:31 ပူးပေါင်းရင်းမြစ်များ

2 SYIEM 15:12

Kumta ïa ka jingkular la pyndep ïa kaba U Trai u la kular ha u syiem Jehu: “Ki khun ki ksiew jong me, haduh ka pateng kaba saw, kin long ki syiem ha Israel.”

SALM 19:7

Ka aiñ jong U Trai ka long kaba janai, ka ai ka jingkhlaiñ kaba thymmai. Ki hukum jong U Trai ki long kiba lah ban shaniah, kiba ai jingstad ha kito ki bym don ïa ka.

ISAÏAH 40:8

Ho-oid, u phlang u ïapstai bad ki syntiew ki jlop, hynrei ka ktien jong U Blei jong ngi ka neh bymjukut.”

ISAÏAH 51:6

Khmih sha ki bneng; peit ha ka pyrthei! Ki bneng kin jah noh kum ka tdem; ka pyrthei kan jot noh kum ki jaiñ ba la rim, bad ki briew jong ka baroh kin ïap kum ki skain. Hynrei ka jingpyllait kaba nga wallam kan neh junom; ka jingjop jong nga kan long kaba kut.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

MATHAÏOS 24:35

Ka bneng bad ka pyrthei kin leit noh, hynrei ki ktien jong nga kin ym leit noh da lei lei.

MATHAÏOS 5:18

To kynmaw ba katba ka bneng bad ka pyrthei ki dang sah, ym don iwei i dak iba rit tam lymne i bynta iba rit tam na ka Hukum ïa iba yn pyndam noh — ym haduh kaba kut jong kiei kiei baroh.

MARKOS 13:30

To kynmaw ba kine kiei kiei kin jia shuwa ba ki briew kiba dang im mynta, ki la ïap noh.

MARKOS 13:32

“Ym don pat batip, lano kata ka sngi lane ka kynta kin wan — lymne wat ki angel ha bneng, lymne U Khun; tang U Kpa u tip.

LOUKAS 21:33

Ka bneng bad ka pyrthei kin leit noh, hynrei ki ktien jong nga kin ym leit noh satia.

2 TIMOTHI 2:13

Lada ngim long kiba ïaineh, u ïaisah hi uba ïaineh, namar um lah ban shukor ïa lade.”

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.