MARKOS 13:11 - Khasi CL Bible (BSI)

¹¹ Bad haba la kem ïa phi bad ïalam sha ka ïingbishar, wat khuslai lypa ïa kaei kaba phin kren; haba ka por kan poi, to kren ïa kaei kaei kaba yn sa ai ha phi ha kata ka por. Namar ki ktien kiba phin sa kren, kin ym long ki jong phi; kin wan na U Mynsiem Bakhuid.

KA BAIBL

¹¹ Hynrei, ynda kin ïalam ïa phi bad kin ai noh ïa phi, wat sngewkhuslai lypa phi kaei ba phin kren, lymne wat puson lypa; hynrei, kaei kaei ruh ba yn ai ha phi ha kata ka por, ïa kata phin kren, naba phi phim long kiba kren, hynrei, U Mynsiem Bakhuid.

MARKOS 13:11 ပူးပေါင်းရင်းမြစ်များ

2 SAMUEL 23:2

U Mynsiem jong U Trai u kren lyngba jong nga; ka khubor jong u ka don ha ki rmiang shyntur jong nga.

ISAÏAH 50:4

U Trai Nongsynshar u la hikai ïa nga kaei ban ong, khnang ba ngan lah ban pynkhlaiñ ïa kiba tlot bor. Man la ka step u pynlong ïa nga ban thrang eh ban ïohsngew ïa kaei kaba un hikai ïa nga.

MATHAÏOS 10:17

To sumar, naba kin don ki briew ki ban kem ïa phi bad ïalam ïa phi sha ka ïingbishar, bad kin sympat ïa phi ha ki synagog.

MARKOS 13:12

Ki briew kin aiti noh ïa la ki hynmen ki para ban pynïap ïa ki, bad ki kpa kin leh kumjuh ïa la ki khun, ki khun ki ïeng pyrshah ïa la ki kmie ki kpa bad kin aiti ïa ki ban shah pynïap.

MARKOS 13:9

“Ma phi ïa lade hi phi dei ban long kiba sumar bha. Phin shah kem bad shah ïalam sha ka ïingbishar. Ïa phi yn sa shoh ha ki synagog; phin sa ïeng ha khmat ki nongsynshar bad ki syiem na ka bynta jong nga ban ïathuh ha ki ïa ka Khubor Babha.

LOUKAS 21:12

Pynban, ha shuwa ba kine kiei kiei baroh kin jia, ïa phi yn kem bad pynshitom beiñ; yn aiti ïa phi ban shah tian bishar ha ki synagog bad ban shah thep ha ka byndi; yn wallam ïa phi ha khmat ki syiem bad ki nongsynshar na ka bynta jong nga.

ÏOANNIS 3:27

U Ïoannis u la jubab, “Ym don uno uno uba lah ban ïohpdiang ei ei lymda U Blei u ai ïa ka ha u.

KI KAM 2:4

La pyndap ïa ki baroh da U Mynsiem Bakhuid bad ki la sdang ban kren ha kiwei pat ki ktien, kat kumba U Mynsiem u pynlah ïa ki ban kren.

KI KAM 3:13

U Blei jong u Abraham, u Isaak, bad jong u Jakob, U Blei ki kpa tymmen jong ngi, u la ai ïa ka burom ba kynja blei ha U Jisu u shakri jong u. Hynrei phi la aiti ïa u ha ki bor synshar, bad phi la kyntait ïa u ha khmat u Pilat, wat hadien ba u Pilat u la rai ban pyllait noh ïa u.

KI KAM 4:31

Haba ki la dep duwai, ka jaka ha kaba ki la ïakynduh ka la khynñiuh. La pyndap ïa ki baroh da U Mynsiem Bakhuid bad ki la sdang ban pynbna ïa ka khubor U Blei da ka jingshlur.

KI KAM 6:10

Hynrei U Mynsiem u la ai ha u Stephan ïa ka jingstad kum kane ba haba u la kren, kim shym lah ban pynrem ïa u.

KI KAM 6:15

Kita baroh kiba shong ha ka Dorbar ki la khmih shlip ha u Stephan bad ki la ïohi ba ka durkhmat jong u ka la long kum ka durkhmat jong u angel.

KI KAM 7:55

Hynrei u Stephan, uba dap da U Mynsiem Bakhuid, u la khmied sha bneng bad u la ïohi ïa ka burom jong U Blei bad ïa U Jisu uba ïeng sha ka liang kamon jong U Blei.

1 KORINTH 2:13

Kumta te, ngim kren ha ki ktien ba la hikai da ka jingstad briew, hynrei ha ki ktien ba la hikai da U Mynsiem, kumba ngi batai ïa ki jingshisha ba kynja mynsiem ha kito kiba don U Mynsiem.

EPHESOS 3:5

Ha ki por ba-mynshuwa ïa u khunbynriew ym shym la ïathuh ïa kane ka jingmaïan, hynrei, U Blei u la pynpaw ïa ka mynta da U Mynsiem ha ki apostol bad ki nongïathuhlypa bakhuid jong u.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

1 PETROS 1:12

U Blei u la pynpaw ha kine ki nongïathuhlypa ba ka jingtrei jong ki kam shym la long na ka bynta ka jingmyntoi jong ki hi, hynrei na ka bynta jong phi, katba ki dang lah kren shaphang kito kiei kiei ïa kiba phi la ïohsngew mynta na ki nonglamktien kiba la pynbna ïa ka Khubor Babha da ka bor U Mynsiem Bakhuid ba la phah na bneng. Kine ki long kiei kiei kiba wat ki angel ki thrang ban shemphang.