MARKOS 12:40 - Khasi CL Bible (BSI)

⁴⁰ Ki shim kabu ïa ki riewkynthei bad knieh noh na ki, ïa ki ïing jong ki, bad nangta pat ki duwai jlan ha khmat ki briew. Ka jingpynshitom ïa ki kan long kaba khraw!”

KA BAIBL

⁴⁰ kiba bam duh ïa ki ïing ki riewkynthei, bad kiba duwai jlan ruh khnang ban tyllep; kine kin ïoh diang ka jingpynrem kaba kham khraw.”

MARKOS 12:40 ပူးပေါင်းရင်းမြစ်များ

ESEKIEL 22:25

Ki nongïalam ki long kum ki sing kiba kyrhuh halor ki mrad kiba ki la pynïap. Ki pynïap ïa ki briew, ki shim ïa ka pisa baroh bad ki jingdon jingem kat kaba ki lah ban ïoh, bad da kaba pynïap briew ki pynsah riewkynthei ïa kiba bun.

MIKAH 2:2

Haba ki ikwah ïa ki lyngkha, ki shu knieh ïa ki; haba ki ikwah ïa ki ïing, ki shu shim ïa ki. Ym don ka longïing ne ka jingdon jingem jongno jongno kaba shongshngain.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MATHAÏOS 23:14

A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi shim kabu ïa ki riewkynthei bad phi knieh noh ïa ki ïing jong ki, bad nangta phi pyn-i ïa ka jingduwai bajlan! Namar kane, ka jingpynshitom ïa phi kan long kaba kham sniew!

MATHAÏOS 23:33

Phi ki bseiñ bad ki khun ki bseiñ! Kumno phi khmih lynti ban lait na ka jingshah pynrem sha ka dujok?

MATHAÏOS 6:7

“Haba phi duwai, wat pyndonkam bun ki kyntien bym kit jingmut, kumba ki nongmane blei thala ki leh, kiba pyrkhat ba ki blei jong ki kin ïohsngew ïa ki namar ba ki jingduwai jong ki, ki long kiba jlan.

MARKOS 12:39

kiba jied ban buh jaka lypa ha ki synagog bad jied ïa ki jaka babha tam ha ki jingkhawai.

LOUKAS 20:47

kiba shim kabu ïa ki riewkynthei bad kiba knieh noh ïa ki ïing jong ki, bad nangta kiba pyn-i paidbah da kaba duwai jlan! Ka jingpynshitom ïa ki kan long kaba kham shyrkhei!”

2 KORINTH 11:20

Phi ïaishah ïa uno uno uba hukum ïa phi lane uba shim kabu ïa phi lane uba riam pah lane uba peit poh ïa phi lane uba thab ïa phi ha ka ngab.

2 TIMOTHI 3:6

Katto katne na ki leit rung sha ki ïingbriew bad pynshohbieit ïa ki kynthei kiba tlot ba la bankhia da ka jingpynrem jong ki pop jong ki bad kiba la shah ringmraw ha ki jingkwah ba har rukom, ki kynthei kiba pyrshang borabor ban shah hikai hynrei ki bym lah ban tip da lei lei ïa ka jingshisha.