MARKOS 12:32 - Khasi CL Bible (BSI)

³² Uta u nonghikai ka Hukum u la ong ïa U Jisu, “Kaba dei, ko Nonghikai! Ka long kaba shisha, kumba me la ong, ba tang U Trai u long U Blei bad ym don uwei pat u blei hynrei tang ma u.

KA BAIBL

³² Uta u nongthoh u la ong te ha U, “Kaba dei, ko Nonghikai! me la ong kaba shisha, ba u long uwei, bad ym don uwei pat, hynrei, tang ma u:

MARKOS 12:32 ပူးပေါင်းရင်းမြစ်များ

ISAÏAH 44:8

Wat sheptieng, ko ki briew jong nga! Phi tip ba naduh ki por mynbarim haduh mynta nga la ïathuhlypa ïa baroh ka ban sa jia, bad phi long ki sakhi jong nga. Hato don uno uno uwei pat U Blei? Hato don kiwei pat ki blei badonbor ba ngam shym ïohsngew?”

ISAÏAH 45:14

U Trai u ong ïa ki Israel, “Ka spah ki Ijipt bad ki Sudan kan long ka jong phi, bad ki rangbah bajrong jong ka Seba kin long ki mraw jong phi; kin bud ïa phi ha ki kynjri. Kin dem ngon ha phi bad kin phla, ‘U Blei u don ryngkat bad phi — tang ma u, u long U Blei.

ISAÏAH 45:18

U Trai u la thaw ïa ki bneng — U long tang ma u hi U Blei! U pynlong bad thaw ïa ka pyrthei — U thaw ïa ka kaba skhem bad kaba neh. Um shym la thaw ïa ka ban iehnoh suda, hynrei ka jaka ba ki briew kin shong kin sah. U long ma u, uba ong, “Nga long U Trai, ym don uwei pat U Blei.

ISAÏAH 46:9

To kynmaw ïa kaei kaba la jia la slem bah; to pdiang ba tang ma nga, nga long U Blei bad ym don uwei pat kum ma nga.

MARKOS 12:29

U Jisu u la jubab, “Kaba kongsan eh ka dei kane, ‘Shahshkor, ko Israel! U Trai U Blei jong ngi u long tang ma u, U Trai.

MARKOS 12:33

Bad u briew u dei ban ieit ïa U Blei da ka dohnud jong u baroh bad da ka jingmut jong u baroh bad da ka bor jong u baroh; bad u dei ban ieit ïa la u paramarjan kumba u ieit ïa lade. Ka long kaba kham donkam ban kohnguh ïa kine ki ar tylli ki hukum ban ïa kaba ai jingainguh da ki mrad bad kiwei ki jingkñia sha U Blei.”

DEUTERONOMI 4:35

U Trai u la pynpaw ha phi ïa kane, ban pynshisha ha phi ba tang ma u hi u long U Blei, bad ba ym don uwei pat lait na u.

DEUTERONOMI 4:39

Namar kata, kynmaw ïa kane ka sngi, bad wat klet ïa ka lano lano: U Trai u long U Blei ha bneng bad ha pyrthei. Ym don blei da uwei pat.

DEUTERONOMI 5:7

“ ‘Wat mane ïa uwei pat u blei lait na nga.

DEUTERONOMI 6:4

“To sngap ko ki Israel! U Trai U Blei jong ngi u long tang ma u hi U Trai.