MARKOS 12:3 - Khasi CL Bible (BSI)

³ Ki nongshimwai ki la kem ïa uta u mraw, ki la shoh ïa u, bad phah kylla ïa u khlem ai ei ei.

KA BAIBL

³ hynrei, haba ki la kem ïa u, ki la sympat, bad ki la phah noh suda.

MARKOS 12:3 ပူးပေါင်းရင်းမြစ်များ

1 SYIEM 18:13

Phim shym ïohsngew ba katba ka Jesebel ka dang pynïap ïa ki nongïathuhlypa jong U Trai, nga la buhrieh shispah ngut na ki ha ki krem, ha ki ar kynhun kiba sanphew ngut kawei kawei ka kynhun, bad pynbiang jingbam bad um ïa ki?

1 SYIEM 18:4

bad haba ka Jesebel ka dang pynïap ïa ki nongïathuhlypa jong U Trai, u Obadaïah u la shim bad pynrieh ïa ki shispah ngut ki nongïathuhlypa ha ki krem, da kaba phiah ïa ki ha ki ar kynhun kiba sanphew ngut ha kawei kawei ka kynhun, bad u la pynbiang jingbam bad um ïa ki.)

1 SYIEM 19:10

U jubab, “A Trai, U Blei Badonbor Baroh, nga la shakri ïa me borabor — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

1 SYIEM 19:14

U jubab, “A Trai U Blei Badonbor Baroh, nga la shakri borabor ïa me — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

1 SYIEM 22:27

Ong ïa ki ban thep byndi ïa u, bad ban ai kpu bad ka um ïa u haduh ba ngan da wan phai suk.”

2 KHRONIKL 16:10

Kane ka la pynlong ïa u Asa ban bitar haduh katta katta ïa u nongïathuhlypa bad phah teh kynjri ïa u. Ka la long ha kane kajuh ka por ba u Asa u sdang ban lehbeiñ tyngeh ïa katto katne ngut ki briew.

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

NEHEMAÏAH 9:26

“Hynrei ki briew jong me ki ïaleh pyrshah bad leh bymkohnguh ïa me; ki phai dien noh na ka Hukum jong me. Ki pynïap ïa ki nongïathuhlypa kiba maham ïa ki,

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 20:2

u la hukum ba yn tied ïa nga bad ban pyndait kynjri hajan ka Khyrdop Benjamin bashaneng hapoh ka Templ.

JEREMAÏAH 29:26

“U Trai u la pynlong ïa phi u lyngdoh ha ka jaka jong u Jehoïada, bad mynta phi long u rangbah pynïaidkam ha ka Templ. Ka dei ka kamram jong phi ban khmih ba ïa uwei pa uwei u riewlamwir uba leh mynleh ba u long u nongïathuhlypa dei ban buh ha ki kynjri lem bad u jingdeng ryndang uba da ka nar.

JEREMAÏAH 44:16

“Ngi kyntait ban shahshkor ïa kaei kaba phi la ïathuh ha ka kyrteng jong U Trai.

MATHAÏOS 15:22

Ka kynthei nong Kanaan kaba shong ba sah ha kata ka thain ka la wan sha u. “Ko khun u Dabid!” ka la pyrta jam. “To isynei ïa nga, ko Kynrad! Ka khun jong nga ka don u ksuid bad ka don ha ka jinglong bashyrkhei.”

MARKOS 12:2

Haba ka por ka la poi ban lum ïa ki sohwaiñ, u la phah ïa u mraw sha ki nongshimwai ban ïohpdiang ïa la ka bynta na ka jinglum soh.

MARKOS 12:4

Nangta u trai u la phah ïa uwei pat u mraw; ki nongshimwai ki la tied ïa u na ka khlieh bad ki la leh khlem akor ïa u.

KI KAM 7:52

Hato ym don u nongïathuhlypa ïa uba ki kpa tymmen jong phi ki la pynshitom beiñ? Ki la pynïap ïa ki nonglamktien jong U Blei, kiba slem bah mynshuwa ki la pynbna ïa ka jingwan jong u shakri bahok jong u.

1 THESSALONI 2:15

kiba la pynïap ïa U Trai Jisu bad ïa ki nongïathuhlypa, bad ki la pynshitom beiñ ïa ngi. A kumno ki la long ki bym pynsngewbha ïa U Blei! A kumno ki la long kiba shun iwei ïa iwei!