MARKOS 12:29 - Khasi CL Bible (BSI)

²⁹ U Jisu u la jubab, “Kaba kongsan eh ka dei kane, ‘Shahshkor, ko Israel! U Trai U Blei jong ngi u long tang ma u, U Trai.

KA BAIBL

²⁹ U Jisu u la ïathuh te ha u, “Kaba kongsan na ki hukum baroh long; ‘Sngew, A Israel, U Trai uba U Blei jong ngi u long uwei U Trai:

MARKOS 12:29 ပူးပေါင်းရင်းမြစ်များ

SALM 86:10

Me long uba donbor bad me leh ïa kiei kiei kiba phylla, tang ma me hi me long U Blei.

PROBERB 23:26

Ko khun, to shahshkor bha, bad shah ba ka jingim jong nga kan long ka nuksa ïa phi.

MATHAÏOS 10:37

“Uno uno uba ieit kham bun shah ïa la u kpa lane ka kmie ban ïa nga um long uba bit ban long u synran jong nga; uno uno uba ieit kham bun shah ïa la u khun lane ka khun ban ïa nga, um long uba bit ban long u synran jong nga.

MATHAÏOS 23:9

Bad phim dei ban khot ïano ïano ha kane ka pyrthei ‘u Kpa,’ namar ba phi don tang uwei u Kpa ha bneng.

LOUKAS 10:27

Uta u briew u la jubab, “ ‘Ieit ïa U Trai U Blei jong me da la ka dohnud baroh, bad da la ka mynsiem baroh, da la ka jingkhlaiñ baroh, bad da la ka jingmut baroh’; bad ‘Ieit ïa la u paramarjan kumba me ieit ïa lade.’ ”

Ka Shithi U Paul Sha Ki Nong Rom 3:30

U Blei u long tang uwei, bad un pynlong ha lade hi ka hok bad ki Jiw halor ka nongrim jong ka jingngeit jong ki, bad un pynlong ka hok bad ki Jentil lyngba ka jingngeit jong ki.

1 KORINTH 8:4

Kumta te, shaphang kaba bam ïa ka jingbam kaba la kñia sha ki bleithaw: Ngi tip ba ka bleithaw ka ïeng na ka bynta kano kano ka bym don ei ei shisha; ngi tip ba don tang uwei U Blei.

GALATIA 3:20

Hynrei ïa u ksiang ym donkam haba treikam tang uwei u briew; bad U Blei u long uwei.

DEUTERONOMI 10:12

“Mynta, ko ki paid Israel, shahshkor ïa kaei kaba U Trai U Blei jong phi u dawa na phi: Mane ïa U Trai bad leh ïa kata baroh kaba u hukum. Ieit ïa u, shakri ïa u da ka dohnud jong phi baroh, bad kohnguh ïa ki hukum jong u baroh.

DEUTERONOMI 30:6

U Trai U Blei jong phi un pynlong ïa phi kiba kohnguh hukum, khnang ba phin ieit ïa u da ka dohnud jong phi baroh bad da ka mynsiem jong phi baroh, bad ba phin ïaishong ha kata ka ri.

DEUTERONOMI 6:4

“To sngap ko ki Israel! U Trai U Blei jong ngi u long tang ma u hi U Trai.

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

1 TIMOTHI 2:5

Naba don tang uwei U Blei, bad don uwei uba pynwan lang ïa U Blei bad ïa u khunbynriew, U Khrist Jisu uba long ruh u briew, uba la aiti ïa lade ban siewspah ïa ki briew baroh.

JAKOB 2:19

Hato phi ngeit ba don tang uwei U Blei? Kata ka bha! Ki ksuid ruh ki ngeit — bad ki kyiuh da ka jingsheptieng!

JUDAH 1:25

ha U Blei, uba tang ma u hi U Nongpynim jong ngi, da U Jisu Khrist uba U Trai jong ngi, to long ka burom, ka jingkhraw bor, ka jingkhlaiñ, bad ka jingsynshar, na ki rta ba la leit noh baroh, bad mynta, bad sha ki bymjukut bad bymjukut! Amen.