MARKOS 12:14 - Khasi CL Bible (BSI)

¹⁴ Ki la wan sha u bad ki la ong, “Ko Nonghikai, ngi tip ba me kren ïa ka jingshisha, khlem da khuslai ïa kaei kaba ki briew ki pyrkhat. Mem ñiew ïa ka kyrdan u briew, hynrei me hikai ïa ka jingshisha shaphang ka mon U Blei na ka bynta u briew. To ïathuh ïa ngi, hato ka long pyrshah ïa ka Hukum jong ngi ban siew ki khajna sha u Patsha ka Rom? Hato ka dei ïa ngi ban siew ne ban ym siew?”

KA BAIBL

¹⁴ Ki te haba ki la wan, ki ong ha u, “Ko Nonghikai, ngi tip ba me long uba shisha bad ba mem ñiew ïano ïano ruh; naba mem khmih ïa ka khmat ki briew, hynrei, me hikai ïa ka lynti U Blei ha kaba shisha. Hato ka bit ne em ban ai khajna ha u Kaisar? ngin ai, ne ngim ai?”

MARKOS 12:14 ပူးပေါင်းရင်းမြစ်များ

2 KHRONIKL 18:13

Hynrei u Mikaïah u jubab, “Da U Trai uba im, ngan ong ïa kaei kaba U Blei u ong ïa nga ban ong!”

2 KHRONIKL 19:7

Burom ïa U Trai bad trei bha, namar U Trai U Blei jong ngi um lah shah ïa ka jingleh bymdei lane ka jingleh shiliang khmat lane ka jingshim pisa thok.”

NEHEMAÏAH 9:37

Kaei kaba ka ri ka pynmih ka leit sha ki syiem kiba me la buh halor jong ngi namar ba ngi la leh pop. Ki leh katba ki sngewbha ïa ngi bad ïa ki jingri jong ngi, bad ngi don ha ka jinglanot kaba khraw!”

SALM 120:2

To pyllait ïa nga, A Trai, na kiba lamler bad na ki nongshukor.

SALM 55:21

Ki ktien jong u ki long kiba kham jlih ban ïa ka makhon, hynrei ka don ka jingisih ha ka dohnud jong u; ki ktien jong u ki pynum kum ka umphniang, hynrei ki ot kum ki waitlam banep.

MIKAH 3:8

Hynrei na ka bynta jong nga, U Trai u pyndap ïa nga da U Mynsiem bad ka bor, bad u ai ha nga ka jingsngewthuh ïa ka jingbishar hok bad ka jingshlur ban ïathuh ha ki paid Israel kiei ki long ki pop jong ki.

MATHAÏOS 22:16

Nangta ki la phah sha u katto katne ngut na ki synran jong ki bad katto katne ngut ki dkhot jong ka kynhun u Herod. “Ko Nonghikai,” ki la ong, “ngi tip ba me ïathuh ïa ka jingshisha. Me hikai ïa ka jingshisha shaphang ka mon U Blei na ka bynta u briew, khlem da khuslai shaphang kaei kaba ki briew ki pyrkhat, namar ba mem pyrkhat ïa ka kyrdan jongno jongno.

MATHAÏOS 22:17

To ïathuh ïa ngi, te, kaei kaba me pyrkhat? Hato ka long pyrshah ïa ka Aiñ jong ngi ban siew khajna sha u Patsha ka hima Rom, ne kam long?”

MARKOS 12:13

Ïa ki katto katne ngut ki Pharisi bad katto katne ngut ki dkhot na ka kynhun u Herod, la phah sha U Jisu ban riam ïa u da ki jingkylli:

MARKOS 12:15

Hynrei U Jisu u la ïohi ïa ka buit bashapoh jong ki bad u la jubab, “Balei ba phi ïapyrshang ban riam ïa nga? Wallam ïa ka sbai rupa, bad ai ba ngan khmih ïa ka.”

MARKOS 14:45

U Judas tang mar ïapoi, u la leit sha U Jisu bad u la ong, “Ko Nonghikai!” bad u la doh ïa u.

LOUKAS 20:22

To ïathuh ïa ngi, hato ka long pyrshah ïa ka Aiñ jong ngi ba ngi dei ban siew khajna sha u Patsha ka Hima Rom, ne kumno?”

LOUKAS 23:2

“Ngi la kem ïa une u briew uba ïalam bakla ïa ki briew jong ngi, da kaba ong ïa ki ban ym siew khajna sha u Patsha bad u kam ba ma u hi u long U Messaïah, u syiem.”

ÏOANNIS 7:18

U briew uba kren ha la ka jong ka bor u pyrshang ban ïoh burom na ka bynta ïa lade hi. Hynrei uba wad ïa ka burom jong uta uba la phah ïa u, u long uba shida, bad ym don ka bymshisha ha u.

Ka Shithi U Paul Sha Ki Nong Rom 13:6

Kata ka long ruh balei ba phi dei ban siew ki khajna, namar ki bor synshar ki trei na ka bynta U Blei haba ki pyndep ïa la ki kamram.

2 KORINTH 2:17

Ngim long kum kita kiba bun, kiba pynlong ïa ka khubor U Blei kum ka mar khaïi kaba tad dor; hynrei namar ba U Blei u la phah ïa ngi, ngi kren da ka jingsngur ha khmat jong u, kum ki shakri U Khrist.

2 KORINTH 2:2

Naba lada ka long ba nga pynsngewsih ïa phi, mano pat ban pyntngen ïa nga? Lait tang da kita hi ïa kiba nga la pynsngewsih.

2 KORINTH 4:1

U Blei ha ka jingisynei jong u, u la ai ha ngi ïa kane ka kam ban trei, bad kumta ngim shym la noh mynsiem.

2 KORINTH 5:11

Ngi tip ka mut aïu ban sheptieng ïa U Trai, bad kumta ngi pyrshang ban pynkohnguh ïa kiwei. U Blei u tip lut shaphang jong ngi, bad nga kyrmen ba ha ki dohnud jong phi, phi tip ïa nga kumjuh.

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.

GALATIA 1:10

Hato kane ka i kumba nga pyrshang ban ïoh jingpynshisha na u briew? Em, ym kumta! Kaei kaba nga kwah ka long ban pynshisha na U Blei! Hato nga pyrshang ban pynsngewbha ïa ki briew? Lada nga dang long uba pyrshang ban leh kumta, ngam pat long u shakri U Khrist.

GALATIA 2:6

Hynrei ïa kito kiba idei ban long ki nongïalam — nga ong ïa kane namar kam pher ei ei ïa nga la ki long kiba kumno kumno ruh; U Blei um bishar na ki durkhmat bashabar — kito ki nongïalam, nga ong, kim don ei ei ki jingai jingmut bathymmai na ka bynta jong nga.

DEUTERONOMI 16:19

Kim dei ban leh bymhok lane leh shiliang khmat ha ki jingbishar jong ki; kim dei ruh ban bamsap, namar ka jingbamsap ka pynmatlah wat ïa kito kiba stad bad kiba hok, bad ki pynlong ïa ki ban rai bakla.

1 THESSALONI 2:4

Pynban, ngi kren borabor kumba U Blei u kwah ïa ngi kumta, namar u la ñiew ïa ngi kiba bit ban shaniah ïa ka Khubor Babha. Ngim shym pyrshang ban pynsngewbha ïa ki briew, hynrei, ban pynsngewbha ïa U Blei, uba tynjuh ïa ki jingthmu jong ngi.