MARKOS 11:32 - Khasi CL Bible (BSI)

³² Hynrei lada ngi ong, ‘Na u briew’ ” (Ki la sheptieng ïa u paidbah, namar baroh ki la ngeit ba u Ïoannis u la long u nongïathuhlypa.)

KA BAIBL

³² Hynrei, lada ngin ong, ‘Na ki briew’,” — ki la sheptieng ïa u paidbah; naba baroh ki ñiew ïa u Ïoannis kum u nongïathuhlypa uba da shisha.

MARKOS 11:32 ပူးပေါင်းရင်းမြစ်များ

MATHAÏOS 11:9

Ïathuh ïa nga, ïa kaei phi ïaleit ban peit? Ïa u nongïathuhlypa? Ho-oid da shisha, hynrei phi la ïohi ïa uba kham palat ban ïa u nongïathuhlypa.

MATHAÏOS 14:5

U Herod u la kwah ban pynïap ïa u, hynrei u la sheptieng ïa ki paid Jiw, namar ki la ñiew ïa u Ïoannis kum u nongïathuhlypa.

MATHAÏOS 21:46

kumta ki la pyrshang ban kem ïa u. Hynrei ki la sngewsheptieng ïa u paidbah, uba la ñiew ba U Jisu u dei u nongïathuhlypa.

MARKOS 11:31

Ki la sdang ïatainia para ma ki: “Kaei ngin ong? Lada ngi jubab, ‘Na U Blei,’ un sa ong, ‘Balei te, phim shym la ngeit ïa u Ïoannis?’

MARKOS 11:33

Kumta ka jubab jong ki ïa U Jisu ka la long, “Ngim tip.” U Jisu u la ong ïa ki, “Nga ruh ngan ym ïathuh ïa phi te, da kaei ka hok ba nga leh ïa kine kiei kiei.”

MARKOS 12:12

Ki nongïalam jong ki Jiw ki la pyrshang ban kem ïa U Jisu, namar ki la tip ba u la ong ïa kane ka pharshi pyrshah ïa ki. Hynrei ki la sheptieng ïa u paidbah, kumta ki la iehnoh ïa u bad ki la leit noh.

MARKOS 6:20

U Herod u la sheptieng ïa u Ïoannis namar u la tip ba u Ïoannis u long u briew uba bha bad uba khuid, bad kumta u ju da ïa u. U ju sngewbha ban sngap ïa u, wat la u shitom jingmut shikatdei eh man ka por ba u ïohsngew ïa u.

LOUKAS 20:19

Ki nonghikai ka Hukum bad ki rangbah lyngdoh ki la pyrshang ban kem ïa U Jisu hangta hi, namar ki la tip ba u la ïathuh ïa kane ka pharshi pyrshah ïa ki; hynrei ki la ïasheptieng ïa ki paidbah.

LOUKAS 22:2

Ki rangbah lyngdoh bad ki nonghikai ka Hukum ki la sheptieng ïa u paidbah, bad kumta ki la pyrshang ban wad lad ban pynïap ïa U Jisu ha kaba jar jar.

ÏOANNIS 10:41

Shibun ki briew ki la wan sha u. “U Ïoannis um leh kambah ei ei,” ki la ong, “hynrei kiei kiei baroh kiba u la ong shaphang une u briew ka la long kaba shisha.”

KI KAM 5:26

Kumta u rangbah pynïaidkam u la leit noh bad ki rangbah jong u bad wallam pat ïa ki apostol. Kim shym la pyndonkam ïa ka bor, namar ki la sheptieng ïoh ba ki paidbah ki lah ban lynthem maw ïa ki.