MARKOS 11:23 - Khasi CL Bible (BSI)

²³ Nga ong skhem ha phi ba uno uno uba ong ha une u lum ban ïeng bad pynnoh ïa lade sha ka duriaw bad u bym don jingartatien ha ka dohnud jong u, hynrei ba u da ngeit ïa kaei kaba u ong kan long, yn leh na ka bynta jong u.

KA BAIBL

²³ Shisha nga ong ha phi, ba uno uno ruh u ban ong ha une u lum, ‘To long ba la rat noh, to noh ruh sha duriaw’, bad un ym sngew-artatien ha la ka dohnud, hynrei, un ngeit ba yn sa long kiei kiei ruh ïa kiba u la ong, kan long ïa u kaei kaei ruh ïa kaba un ong.

MARKOS 11:23 ပူးပေါင်းရင်းမြစ်များ

SALM 37:4

Wad ïa ka jingsuk ha U Trai, bad un ai ha phi ïa ka jingkwah ka dohnud jong phi.

MATHAÏOS 14:13

Haba U Jisu u la ïohsngew ïa ka khubor shaphang jong u Ïoannis, u la mih nangta da ka lieng bad u la leit sha ka jaka bakynjah marwei hi. Ki briew ki la tip shaphang kata, kumta ki la iehnoh ïa la ki shnong bad ki la ïabud ïa u na ryngkew.

MATHAÏOS 17:20

“Ka la long namar phim don ka jingngeit kaba biang,” la jubab U Jisu. “Nga pynthikna ïa phi ba lada phi don ka jingngeit kaba heh kat u symbai tyrso, phi lah ban ong ïa une u lumrit, ‘Khie leit noh nangne shatai!’ bad un leit. Phi lah ban leh ïa kano kano!”

MATHAÏOS 21:21

U Jisu u la jubab, “Nga pynthikna ïa phi ba lada phi ngeit bad phim sngew artatien, phin lah ban leh ïa kaei kaba nga la leh ïa une u dieng Dumbur. Bad ym tang kane, hynrei phin lah wat ban ong ha une u lum, ‘Khie joit bad pynnoh ïa lade sha duriaw,’ bad un leh kumta.

LOUKAS 17:6

U Trai u la jubab, “Lada phi don ka jingngeit kat u symbai tyrso, phi lah ban ong ha une u diengsoh lyngdkhur, ‘To jynrat noh ïa lade na ki thied bad thung ïa lade hapoh duriaw!’ bad un kohnguh ïa phi.

ÏOANNIS 14:13

Bad ngan leh ïa kano kano kaba phi pan ha ka kyrteng jong nga, khnang ba ïa ka burom U Kpa yn ïoh pynpaw lyngba U Khun.

ÏOANNIS 15:7

Lada phi ïaineh ha nga bad ki ktien jong nga ki ïaineh ha phi, te phin pan ïa kaei kaei kaba phi kwah, bad phin ïoh ïa ka.

1 KORINTH 13:2

Nga lah ban don ka jingai ban ïalap da ka jingpyrsad mynsiem; nga lah ban don ïa ka jingtip baroh bad shemphang ha ki jingmaïan baroh; nga lah ban don ïa ka jingngeit baroh kaba donkam ban pynkynriah ïa ki lumbah — hynrei lada ngam don ka jingieit, ngam long ei ei.